| e-texts navigator |
| Wylie |
59a1 བའི་རྩ་བ་ཆུང་དུ་རྣམས་ནི། ཆོས་འདི་ལ་མོས་པར་ངས་མ་བཤད་དོ། །ཆོས་འདི་ལ་དེ་དག་གི་གོ་སྐབས་མེད་དེ། འདི་ནི། དེ་དག་གི་ནོར་མ་ཡིན་ནོ། །ཤཱ་རིའི་བུ།
59a2 ཆོས་བསྟན་པ་འདི་གང་དག་གི་རྣ་ལམ་དུ་ཐོས་པའི་སེམས་ཅན་དེ་དག་ཀྱང་དགེ་བའི་རྩ་བ་ཆུང་དུ་དང་ལྡན་པ་མ་ཡིན་ན། གང་དག་འཛིན་པ་དང་། འཆང་བ་དང་། ཀློག་པ་དང་། ཀུན་ཆུབ་པར
59a3 བྱེད་པ་ལྟ་ཅི་སྨོས་ཏེ། དེ་དག་སངས་རྒྱས་བཅོམ་ལྡན་འདས་རྣམས་ཀྱིས་སངས་རྒྱས་ཀྱི་ཆོས་ལ་ངེས་པར་ལུང་བསྟན་ཏེ། ཇི་ལྟར་ད་ལྟར་ང་སེངྒེའི་སྒྲ་སྒྲོགས་པ་དང་། འཇིགས་པ་མེད་པའི་སྒྲ
59a4 དང་། སྐྱེས་བུ་ཆེན་པོའི་སྒྲ་དང་། རང་བྱུང་གི་སྒྲ་སྒྲོག་པ་བཞིན་དུ་དེ་དག་ཀྱང་སེངྒེའི་སྒྲ་སྒྲོག་པར་འགྱུར་རོ། །གང་དག་ཐ་ན་ཆོས་འདི་ལ་དད་པ་བསྐྱེད་ནས་བླ་ན་མེད་པ་ཡང་དག་པར་རྫོགས
59a5 པའི་བྱང་ཆུབ་ལ་འདུན་པ་བསྐྱེད་པར་འགྱུར་བ་དེ་དག་གི་ལུང་བསྟན་པ་ཡང་དེ་ཉིད་ཡིན་ནོ། །དེ་ཅིའི་ཕྱིར་ཞེ་ན། ཤཱ་རིའི་བུ། སེམས་ཅན་གང་དག་ཆོས་ཟབ་མོ་ཐོས
59a6 ནས་དགའ་བ་བསྐྱེད་ཅིང་མཆོག་ཏུ་དགའ་བ་དང་མོས་པ་བསྐྱེད་པ་དེ་དག་ཤིན་ཏུ་རྙེད་པར་དཀའོ། །ཤཱ་རིའི་བུ། དེ་དག་ཀྱང་སེམས་ཅན་གང་ཆོས་ཟབ་མོ་ཐོས་ནས་བླ་ན་མེད་པ
59a7 ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་ཅིང་མོས་པ་བསྐྱེད་དེ་དགེ་བ་ཆེན་པོ་དང་ལྡན་པ་ནི། ཤིན་ཏུ་རྙེད་པར་དཀའ་སྟེ། ཤཱ་རིའི་བུ། ཤེས་རབ་ཀྱི་ཕ་རོལ་ཏུ་ཕྱིན་པ་འདི
iiif viewer powered by OpenSeadragon
