| e-texts navigator |
| Wylie |
58b1 ཅད་ཡུལ་མ་ཡིན་པར་གང་གིས་ཡོངས་སུ་ཤེས་པ་དེ་དང་དེ་དག་ནི། རྣམ་པ་དེ་ལྟ་བུའི་སྐྱེས་བུ་དམ་པ་དག་སྟེ། ཡུལ་ཐམས་ཅད་ལ་མི་ཆགས་པ་དེ་དང་དེ་དག་ནི། སེངྒེ་ཆེན་པོའོ། །ཡུལ་ཐམས་ཅད
58b2 ལ་མ་ཞུགས་པ་དེ་དང་དེ་དག་ནི། རྣམ་པ་དེ་ལྟ་བུ་དག་གོ། ཡུལ་ཐམས་ཅད་ཀྱིས་མི་གོས་པ་དེ་དང་དེ་དག་ནི། ཡུལ་དང་མ་འདྲེས་པའོ། །ཡུལ་ཐམས་ཅད་ལས་ཡང་དག་པར་འདས་པ་དེ་དང
58b3 དེ་དག་ནི། དེད་དཔོན་ཆེན་པོ་སྟེ། ཤཱ་རིའི་བུ། ཆོས་འདི་ནི། དེ་དག་གི་ཡུལ་དང་། བགྲོད་པ་མ་ཡིན་ནོ། །ཤཱ་རིའི་བུ། འཁོར་འདི་ནི། གང་ཆོས་འདི་ལ་མ་མོས་ཤིང་ཡུལ་དུ་མ་གྱུར་པའམ།
58b4 གང་ཆོས་རྣམ་པ་འདི་ལྟ་བུ་འདི་ལ་སོམ་ཉི་དང་བཅས་པའམ། ཐེ་ཚོམ་དང་བཅས་པའི་བྱང་ཆུབ་སེམས་དཔའ་གཅིག་ཀྱང་ངས་མ་མཐོང་ངོ་། །ཤཱ་རིའི་བུ། འཁོར་འདི་ནི། ཆོས་འདི་ལ་ཐེ་ཚོམ་མེད་དོ།།
58b5 ནེམ་ནུར་མེད་དོ། །ཡིད་གཉིས་མེད་དོ། །ཤཱ་རིའི་བུ། བྱང་ཆུབ་སེམས་དཔའ་འདི་དག་ནི། ཆོས་འདི་ལ་ཡིད་གཉིས་མེད་དོ། །ཤཱ་རིའི་བུ། སྐྱེས་བུ་དམ་པ་འདི་དག་ནི། སེམས་ཅན་ཐམས་ཅད་ཀྱི་ཡིད
58b6 གཉིས་ཡང་དག་པར་གཞོམ་པའི་ཕྱིར་གནས་པའོ། །ཤཱ་རིའི་བུ། འདི་དག་ནི། འདི་ལྟ་བུའི་ཆོས་ལ་སོམ་ཉི་མེད་དེ། སོམ་ཉི་ལས་ཡང་དག་པར་འདས་པའོ། །ཤཱ་རིའི་བུ། གང་ཡང་ཕྱི་མའི་ཚེ་ཕྱི
58b7 མའི་དུས་ན་ཆོས་བསྟན་པ་འདི་ཉན་པ་དེ་དག་ཀྱང་ཆོས་ཐམས་ཅད་ལ་ཐེ་ཚོམ་མེད་པར་གནས་ཏེ་སེམས་ཅན་ཐམས་ཅད་ཀྱི་ཐེ་ཚོམ་གཅད་པའི་ཕྱིར་ཞུགས་པར་འགྱུར་རོ། །ཤཱ་རིའི་བུ། སེམས་ཅན་དགེ
iiif viewer powered by OpenSeadragon
