| e-texts navigator |
| Wylie |
56a1 དང་|་འཆི་བ་དང་། མྱ་ངན་དང་། སྨྲེ་སྔགས་འདོན་པ་དང་། སྡུག་བསྔལ་པ་དང་། ཡིད་མི་བདེ་བ་དང་། འཁྲུག་པ་མཐའ་ཡས་པས། ཕ་རོལ་ཏུ་ཕྱིན་པ་འདི
56a2 མཐའ་ཡས་སོ། །ལྟ་བར་གྱུར་བ་མཐའ་ཡས་པ་དང་། འདོད་ཆགས་དང་། ཞེ་སྡང་དང་། གཏི་མུག་མཐའ་ཡས་པ་དང་། ཆད་པ་དང་། རྟག་པ་མཐའ་ཡས་པ་དང་། སྔོན་གྱི་མཐའི་མུ
56a3 མཐའ་ཡས་པས། ཕ་རོལ་ཏུ་ཕྱིན་པ་འདི་མཐའ་ཡས་སོ། །ཕྱི་མའི་མཐའི་མུ་མཐའ་ཡས་པས། ཕ་རོལ་ཏུ་ཕྱིན་པ་འདི་མཐའ་ཡས་སོ། །སྦྱིན་པ་མཐའ་ཡས་པ་དང་། ཚུལ་ཁྲིམས
56a4 མཐའ་ཡས་པ་དང་། བཟོད་པ་མཐའ་ཡས་པ་དང་། བརྩོན་འགྲུས་མཐའ་ཡས་པ་དང་། བསམ་གཏན་མཐའ་ཡས་པ་དང་། ཤེས་རབ་མཐའ་ཡས་པས། ཕ་རོལ་ཏུ་ཕྱིན་པ་འདི་མཐའ
56a5 ཡས་སོ|་|དྲན་པ་ཉེ་བར་གཞག་པ་མཐའ་ཡས་པ་དང་། ཡང་དག་པའི་སྤོང་བ་དང་། རྫུ་འཕྲུལ་གྱི་རྐང་བ་དང་། དབང་པོ་དང་། སྟོབས་དང་། བྱང་ཆུབ་ཀྱི་ཡན་ལག་མཐའ་ཡས་པ་དང་། ཕྱིན
56a6 ཅི་མ་ལོག་པ་མཐའ་ཡས་པས། ཕ་རོལ་ཏུ་ཕྱིན་པ་འདི་ནི། མཐའ་ཡས་སོ། །བསམ་གཏན་དང་། རྣམ་པར་ཐར་པ་དང་། ཏིང་ངེ་འཛིན་དང་། སྙོམས་པར་འཇུག་པ་མཐའ་ཡས་པས། ཕ
56a7 རོལ་ཏུ་ཕྱིན་པ་འདི་མཐའ་ཡས་སོ། །དམིགས་པ་མཐའ་ཡས་པས། ཕ་རོལ་ཏུ་ཕྱིན་པ་འདི་མཐའ་ཡས་སོ། །རིག་པ་དང་། རྣམ་པར་གྲོལ་བའི་ཡེ་ཤེས་མཐོང་བ་མཐའ་ཡས་པས། ཕ་རོལ
iiif viewer powered by OpenSeadragon
