| e-texts navigator |
| Wylie |
51a1 འདོད་ཆགས་དང་བྲལ་བ་ཟབ་པས། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་བོ། །སྒྲིབ་པ་ཟབ་པས། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་བོ། །ཤཱ་རིའི་བུ། འདི་ལྟ་སྟེ།
51a2 དཔེར་ན། རྒྱ་མཚོ་ནི། རྒྱ་ཆེ་ཞིང་ཟབ་སྟེ། དཔག་ཏུ་མེད་དོ། །དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་ཡང་རྒྱ་ཆེ་ཞིང་ཟབ་སྟེ། དཔག་ཏུ་མེད་དོ། །ཤཱ་ར་དྭ་ཏིའི་བུ། ཟབ་ཅེས་བྱ་བ་ནི།
51a3 ཆོས་རིན་པོ་ཆེ་དཔག་ཏུ་མེད་པ་བསགས་པར་གྱུར་པ་གང་གཏིང་མི་རྙེད་པའོ། །ཤཱ་རདྭ་ཏིའི་བུ། ཟབ་ཅེས་བྱ་བ་དེ་ལ་འགྲོ་བ་མི་རྙེད་པའོ། །ཤཱ་ར་དྭ་ཏིའི་བུ། ཟབ་ཅེས་བྱ་བ་ནི། དེའི་ཡོན
51a4 ཏན་གྱི་མཐའ་མི་རྟོགས་པའོ། །ཤཱ་རདྭ་ཏིའི་བུ|་འདི་ལྟ་སྟེ། དཔེར་ན། མཚོ་ཆེན་པོ་རྒྱ་མཚོ་ནི། རིན་པོ་ཆེ་ཐམས་ཅད་བསགས་པ། རིན་པོ་ཆེ་དཔག་ཏུ་མེད་པས་གང་བ། རིན་པོ་ཆེ
51a5 ཆེན་པོས་རབ་ཏུ་གང་བའོ། །དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་ཡང་ཆོས་རིན་པོ་ཆེ་ཐམས་ཅད་བསགས་པ། ཆོས་རིན་པོ་ཆེ་ཆེན་པོ་བསགས་པ། ཆོས་རིན་པོ་ཆེ་དཔག་ཏུ་མེད་པ
51a6 བསགས་པའོ། །གསོལ་བ། བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི། ཆོས་གང་བསྟན་པར་ཡང་ཉེ་བར་གནས་པ་མ་ལགས་སོ། །བཀའ་སྩལ་པ། ཤཱ་རིའི་བུ། འདི་ལྟར
51a7 ཤེས་རབ་ཀྱི་ཕ་རོལ་ཏུ་ཕྱིན་པ་ནི། ཆོས་གང་བསྟན་པའི་ཆོས་གང་ཡང་དམིགས་པར་ཉེ་བར་གནས་པ་མ་ཡིན་ནོ། །གསོལ་པ། བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི།
iiif viewer powered by OpenSeadragon
