| e-texts navigator |
| Wylie |
4b1 ཞུགས་པ་དེ་དག་ཀྱང་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་བ་དང་། གང་དག་ཡང་དག་པ་ཉིད་སྐྱོན་མེད་པ་ལ་མ་ཞུགས་ཤིང་ས་གསུམ་ལ་མ་ངེས
4b2 པ་དེ་དག་གིས་ཐོས་ན། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་འགྱུར་བ་དང་། བཅོམ་ལྡན་འདས། དེ་བཞིན་གཤེགས་པས་ཤས་རབ་ཀྱི་ཕ་རོལ་ཏུ་ཕྱིན་པ་འདི་ཞུས་པའི་ལན
4b3 བཏབ་པས། སེམས་ཅན་ཐམས་ཅད་ཀྱི་དགེ་བའི་རྩ་བ་བསྐྱེད་པར་འགྱུར་བའི་སླད་དུ་དེ་བཞིན་གཤེགས་པའི་ཡུལ་དང་། དེ་བཞིན་གཤེགས་པའི་ཡེ་ཤེས་བསྟན་དུ་གསོལ། བཅོམ་ལྡན་འདས། བདག
4b4 ནི|་སེམས་ཅན་དམན་པ་ལ་མོས་པ་རྣམས་ཀྱི་སླད་དུ་དེ་བཞིན་གཤེགས་པ་ལ་ཞུ་བ་མ་ལགས། དབུལ་བའི་སེམས་དང་ལྡན་པ་རྣམས་ཀྱི་མ་ལགས། དབུལ་པོའི་ཐེག་པ་ལ་ཡང་དག་པར་ཞུགས་པ་རྣམས
4b5 ཀྱི་སླད་དུ་མ་ལགས། ལེ་ལོ་ཅན་རྣམས་ཀྱི་སླད་དུ་མ་ལགས། ལེ་ལོའི་ཟིལ་གྱིས་ནོན་པ་རྣམས་ཀྱི་སླད་དུ་མ་ལགས། ལྟ་བའི་འདམ་དུ་བྱིང་བ་རྣམས་ཀྱི་སླད་དུ་མ་ལགས། བདུད་ཀྱི་ཞགས་པས་ཟིན་པ
4b6 རྣམས་ཀྱི་སླད་དུ་མ་ལགས། ངོ་ཚ་མ་འཚལ་ཅིང་ཁྲེལ་མ་མཆིས་པ་རྣམས་ཀྱི་སླད་དུ་མ་ལགས། ཡོ་བྱད་བསྙུངས་པ་དང་མི་ལྡན་པ་རྣམས་ཀྱི་སླད་དུ་མ་ལགས། བསྐྱུད་ངེས་པ་རྣམས་ཀྱི་སླད་དུ་མ་ལགས།
4b7 སེམས་འཁྲུལ་པ་རྣམས་ཀྱི་སླད་དུ་མ་ལགས། འདོད་པའི་འདམ་དུ་བྱིང་བ་རྣམས་ཀྱི་སླད་དུ་མ་ལགས། གཡོ་ཅན་རྣམས་ཀྱི་སླད་དུ་མ་ལགས། སྒྱུ་ཅན་རྣམས་ཀྱི་སླད་དུ་མ་ལགས། བགྱིས་པ
iiif viewer powered by OpenSeadragon
