| e-texts navigator |
| Wylie |
44a1 གནས་པར་གྱུར་ཀྱང་སྣང་བ་དེ་ནང་ངམ་ཕྱི་རོལ་ན་མེད་དོ། །རབ་ཀྱི་རྩལ་གྱིས་རྣམ་པར་གནོན་པ། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་སྣང་བའི་བྱ་བ་ཆེན་པོས
44a2 ཉེ་བར་གནས་ཀྱང་། སྣང་བ་དེ་ནི། ནང་ངམ་ཕྱི་རོལ་དུ་མཐོང་བར་ཉེ་བར་མི་འགྲོའོ། །རབ་ཀྱི་རྩལ་གྱིས་རྣམ་པར་གནོན་པ། འདི་ལྟ་སྟེ། དཔེར་ན། ཡུངས་མར་གྱི་མར་མེ་བུས་ན། དེའི་འོད
44a3 འཕྲོ་བ་ཡུད་ཙམ་ཡང་མི་གནས་མོད་ཀྱི། སྣང་བར་ཡང་བྱེད། སྣང་བ་དེས་གཟུགས་རྣམས་ཀྱང་མཐོང་བར་འགྱུར་རོ། །རབ་ཀྱི་རྩལ་གྱིས་རྣམ་པར་གནོན་པ། དེ་བཞིན་དུ་ཤེས་རབ་ཀྱི་ཕ་རོལ
44a4 ཏུ་ཕྱིན་པ་ཆོས་གང་ལ་ཡང་མི་གནས་མོད་ཀྱི། ཆོས་རྣམས་ཀྱི་སྣང་བའི་བྱ་བ་ཡང་བྱེད་དེ། སྣང་བ་དེས་འཕགས་པ་རྣམས་ཆོས་ཐམས་ཅད་ཡང་དག་པ་ཇི་ལྟ་བ་བཞིན་དུ་མཐོང་བར་འགྱུར་རོ། །
44a5 དེ་ནས་བཅོམ་ལྡན་འདས་ལ་ཚེ་དང་ལྡན་པ་ཤཱ་རདྭ་ཏིའི་བུས་འདི་སྐད་ཅེས་གསོལ་ཏོ། །བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པ
44a6 ཡོངས་སུ་མ་གྲུབ་པ་བསྟན་པ་ངོ་མཚར་ལགས་སོ། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རདྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ། །དེ་དེ་བཞིན་ཏེ། ཤཱ
44a7 རིའི་བུ|་དེ་དེ་བཞིན་ནོ། །གཟུགས་ཡོངས་སུ་མ་གྲུབ་པས་ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་མ་གྲུབ་པའོ། །ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ
iiif viewer powered by OpenSeadragon
