| e-texts navigator |
| Wylie |
43b1 གནོན་པ། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་ཡང་སྙིང་པོ་མེད་མོད་ཀྱི། ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པས་དགོས་པ་ཡང་བྱེད་དོ། །རབ་ཀྱི་རྩལ་གྱིས་རྣམ་པར་གནོན་པ། འདི་ལྟ
43b2 སྟེ|་དཔེར་ན། སྐྱེས་བུས་ནམ་མཁའ་སྟོན་པར་ཐ་སྙད་འདོགས་ཀྱང་ནམ་མཁའ་ལ་ནི། བསྟན་པ་ཅི་ཡང་མེད་དོ། །རབ་ཀྱི་རྩལ་གྱིས་རྣམ་པར་གནོན་པ། དེ་བཞིན་དུ་ཤེས་རབ་ཀྱི་ཕ་རོལ་ཏུ
43b3 ཕྱིན་པ་ཞེས་ཐ་སྙད་འདོགས་ཀྱང་ཆོས་གང་བསྟན་པར་ཡང་ཐ་སྙད་གདགས་པར་བྱ་བ་མེད་དོ། །རབ་ཀྱི་རྩལ་གྱིས་རྣམ་པར་གནོན་པ། འདི་ལྟ་སྟེ། དཔེར་ན། ནམ་མཁའ་ཞེས་ཐ་སྙད་འདོགས
43b4 ཀྱང་ཆོས་གང་བསྟན་པར་ཡོངས་སུ་གྲུབ་ཅིང་ཐ་སྙད་གདགས་པ་མེད་དོ། །རབ་ཀྱི་རྩལ་གྱིས་རྣམ་པར་གནོན་པ། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་ཐ་སྙད་འདོགས་ཀྱང་ཆོས་གང་བསྟན་པར
43b5 ཐ་སྙད་དུ་གདགས་པ་མེད་དོ། །རབ་ཀྱི་རྩལ་གྱིས་རྣམ་པར་གནོན་པ། འདི་ལྟ་སྟེ། དཔེར་ན། གྲིབ་མ་དང་། ཉི་ལོགས་ཞེས་ཐ་སྙད་འདོགས་ཀྱང་འདི་གཉིས་ནི། ཆོས་གང་ཡོངས་སུ་མ་གྲུབ་པའི་ཕྱིར
43b6 ཡང་ཉེ་བར་མི་གནས་ལ་སྣང་བ་ཡང་མངོན་ནོ། །རབ་ཀྱི་རྩལ་གྱིས་རྣམ་པར་གནོན་པ། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་ཐ་སྙད་འདོགས་པའི་ཚིག་ཏུ་འགྲོ་ཡང་ཆོས་གང་བསྟན་པར
43b7 ཡང་ཐ་སྙད་ཀྱི་ཚིག་ཏུ་ཡང་མི་འགྲོ་ལ། ཆོས་རྣམས་སྣང་བར་ཡང་བྱེད་དོ། །རབ་ཀྱི་རྩལ་གྱིས་རྣམ་པར་གནོན་པ། འདི་ལྟ་སྟེ། དཔེར་ན། ནོར་བུ་རིན་པོ་ཆེ་སྦྱངས་པ་ནི། སྣང་བ་ཆེན་པོར་ཉེ་བར
iiif viewer powered by OpenSeadragon
