| e-texts navigator |
| Wylie |
42a1 ཕ་རོལ་ཏུ་ཕྱིན་པ་ཡང་ཆོས་གང་ཡང་བསྟན་པར་ཡང་ཉེ་བར་གནས་པ་མ་ཡིན་ནོ། །རབ་ཀྱི་རྩལ་གྱིས་རྣམ་པར་གནོན་པ། འདི་ལྟ་སྟེ། དཔེར་ན། སྒྱུ་མ་མཐོང
42a2 བའི་སྐྱེས་བུ་སྒྱུ་མའི་རང་བཞིན་བཤད་པ་སྟོན་ཀྱང་སྒྱུ་མའི་རང་བཞིན་གང་ཡང་མེད་ན། སྒྱུ་མའི་རང་བཞིན་བསྟན་པའི་ངོ་བོ་ཉིད་ལྟ་ག་ལ་ཡོད། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ
42a3 སྟོན་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པའི་རང་བཞིན་བསྟན་པ་གང་ཡང་མེད་དོ། །རབ་ཀྱི་རྩལ་གྱིས་རྣམ་པར་གནོན་པ། འདི་ལྟ་སྟེ། དཔེར་ན། སྒྱུ་མ་ནི། ཆོས་གང་མངོན་པར་འགྲུབ་པའི
42a4 ཕྱིར་ཡང་ཉེ་བར་གནས་པ་མ་ཡིན་ནོ། །དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་ཡང་ཆོས་གང་མངོན་པར་འགྲུབ་པའི་ཕྱིར་ཡང་ཉེ་བར་གནས་པ་མ་ཡིན་ནོ། །རབ་ཀྱི་རྩལ་གྱིས་རྣམ་པར
42a5 གནོན་པ། འདི་ལྟ་སྟེ། དཔེར་ན། མིག་ཡོར་མཐོང་བའི་སྐྱེས་བུ་མིག་ཡོར་གྱི་རང་བཞིན་སྟོན་ཀྱང་མིག་ཡོར་གྱི་རང་བཞིན་གང་ཡང་མེད་ན། མིག་ཡོར་གྱི་རང་བཞིན་བསྟན་པ་ལྟ་ག
42a6 ལ་ཡོད|་རབ་ཀྱི་རྩལ་གྱིས་རྣམ་པར་གནོན་པ། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་སྟོན་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པའི་རང་བཞིན་གང་ཡང་མེད་ན། ཤེས་རབ་ཀྱི་ཕ་རོལ་ཏུ
42a7 ཕྱིན་པའི་རང་བཞིན་བསྟན་པ་ལྟ་ག་ལ་ཡོད། རབ་ཀྱི་རྩལ་གྱིས་རྣམ་པར་གནོན་པ། འདི་ལྟ་སྟེ། དཔེར་ན། མིག་ཡོར་ནི། ཆོས་གང་བསྟན་པར་ཡང་ཉེ་བར་གནས་པ་མ་ཡིན་ནོ། །དེ་བཞིན་དུ
iiif viewer powered by OpenSeadragon
