| e-texts navigator |
| Wylie |
419a1 གཅིག་གི་མེ་ཏོག་ཕུལ་པའམ། སྟོང་ཕྲག་གཅིག་གི་ཨུཏྤ་ལ་སྔོན་པོའི་མེ་ཏོག་གམ། མཆོད་རྟེན་བྱེད་པའམ། སངས་རྒྱས་ཀྱི་སྐུ་གཟུགས་བྱེད་པའམ།
419a2 དེ་ལ་མཆོད་པ་བྱེད་པས་ནི་བྱམས་པ་སངས་རྒྱས་པའི་དུས་སུ། དེའི་དྲུང་དུ་དང་པོའི་ཆོས་ཐོབ་ཅེས་སྐྱེ་བར་འགྱུར་རོ། །སེམས་ཅན་ལྷག་མ་རྣམས་ཀྱིས་སྦྱིན་པ་བྱིན་པ་དང་། ཚུལ
419a3 ཁྲིམས་བསྲུངས་པ་དང་། གཙུག་ལག་ཁང་སྦྱངས་པ་དང་། བྱང་ཆུབ་ཀྱི་ཤིང་བསྐྲུན་པ་དང་། མཆོད་རྟེན་བྱས་པ་དང་། མཆོད་རྟེན་དང་། བྱང་ཆུབ་ཀྱི་ཤིང་ལ་རིམ་གྲོ་བྱས་པ
419a4 དང་|་སྐྱེད་མོས་ཚལ་བསྐྲུན་པ་དང་། ཟམ་པ་བཙུགས་པ་དང་། ལམ་བཅོས་པ་དང་། མགྲོན་ཁང་བྱས་པ་དང་། ཁྲོན་པ་བྱས་པ་དང་། བསྟན་པའི་བྱ་བ་བྱས་པ་དང་། ཆོས་ཀྱི
419a5 གནས་ལ་བྱི་དོར་བྱས་པ་དང་། དྲི་དང་། ཕྲེང་བ་ལ་སོགས་པས་མཆོད་པར་བྱེད་པ་དང་། གུས་པར་བྱས་ནས་ཆོས་མཉན་པ་དང་། ཁ་ཟས་ཙམ་གྱི་སྦྱིན་པ་དགེ་འདུན་ལ་གཏོང་བ
419a6 དང་|་ཕ་དང་། མ་ལ་བསྙེན་བཀུར་བྱེད་པ་དང་། རིགས་ཀྱི་གཙོ་བོ་ལ་བསྙེན་བཀུར་བྱེད་པ་དང་། གསོ་སྦྱོང་ལ་གནས་པ་ལ་ཁ་ཟས་སྟེར་བ་དང་། གློ་བུར་བའི་བཙུན་པ་ལ་སྦྱིན
419a7 པ་སྟེར་བ་དང་། བསོད་སྙོམས་པ་ལ་སྟེར་བ་དང་། སྟན་འབུལ་བའི་སྐྱེ་བོས་ཡང་དག་པར་རྫོགས་པའི་སངས་རྒྱས་བྱམས་པ་མཐོང་བར་འགྱུར་རོ། །ཐ་ན་མེ་ཏོག་སྙིམ་པ
iiif viewer powered by OpenSeadragon
