| e-texts navigator |
| Wylie |
418b1 ཕྱག་གཉིས་ཀྱི་རིང་དུ་ཁྲུ་བཞི་བཅུ་རྩ་བཞི་པ་ཡིན་ནོ། །དེ་ནི་འདི་བཞིན་དུ་དཔེ་མེད་པའི་སངས་རྒྱས་ཀྱི་དཔལ་མཐའ་ཡས་པའི་སངས་རྒྱས་ཀྱི་རོལ་པའོ། །སྟོང་ཕྲག
418b2 བཅུའི་འཇིག་རྟེན་གྱི་ཁོར་ཡུག་ཐམས་ཅད་ཀྱི་ལྷ་རྣམས་དང་། དེའི་རྗེས་སུ་མི་རྣམས་ཀྱི་ནང་དུ་གནས་ནས་ཆོས་ཀྱི་འཁོར་ལོ་བསྐོར་རོ། །ཆོས་སྟོན་པའི་གནས་དང་། བྱེ་བ་འབུམ
418b3 ཕྲག་གཅིག་གི་ལྷ་དང་། མིའི་འཆིང་བ་གྲོལ་བ་དང་། ཆོས་ཀྱི་དང་པོ་ཐོབ་པ་དང་། ཆོས་ཀྱི་དང་པོ་མ་ཐོབ་པ་རྣམས་མཐོ་རིས་སུ་སྐྱེ་བར་འགྱུར་རོ། །དེ་ལྟར་མཆོག་དང་ལྡན་པའི
418b4 བྱམས་པ་སུ་ཞིག་གིས་མི་མཐོང་། ང་ནི་མ་བསད་པ་དང་། ཕ་བསད་པ་དང་། དགེ་སློང་མ་སུན་ཕྱུང་བ་དང་། དགེ་འདུན་གྱི་དབྱེན་བྱས་པ་དང་། མཚམས་མེད་པ་ལྔའི་ལས
418b5 བྱས་པ་དང་། མཆོད་རྟེན་བཤིག་པ་དང་། བྱང་ཆུབ་ཀྱི་ཤིང་བཅད་པ་དང་། བྱང་ཆུབ་སེམས་དཔའ་བསད་པ་དང་། དགེ་འདུན་གྱི་ཁ་ཟས་བརླག་པར་བྱས་པ་དང་། ཤིན་ཏུ་སེར་སྣ
418b6 ཆེ་བ་དང་། ལོག་པར་ལྟ་བ་ངེས་པ་དང་། འཕགས་པའི་གང་ཟག་ལ་སྐུར་པ་འདེབས་པ་དང་། གཅེར་བུ་པའི་རིགས་ཏེ། དེ་རྣམས་ཀྱིས་མི་མཐོང་ངོ་། །ཚིགས་བཅད་སྟོང་ཕྲག་གཅིག
418b7 གིས་སོ་སོར་བརྒྱན་པ་འདི་ཐམས་ཅད་སྒྲོལ་གྱི་སྐྱེས་རབས་ཆེན་པོ་ཉི་མ་གཅིག་ལ་སྐྱེ་བོ་རྣམས་ཀྱིས་བཤད་པ་དང་། མཉན་པ་དང་། མར་མེ་སྟོང་ཕྲག་གཅིག་གམ། སྟོང་ཕྲག
iiif viewer powered by OpenSeadragon
