| e-texts navigator |
| Wylie |
417b1 རྣམས་ནི་ཁྱབ་པར་གནས། །པདྨའི་མཛོད་སྤུ་ཐམས་ཅད་དུའོ། །སྟོབས་བཅུ་པའི་འོད་ཀྱིས་ཉིན་མོར་བྱེད་པའི་འོད་ཟིལ་གྱིས་གནོན་ནོ། །ཉིན་མོ་དང་། མཚན་མོ་མི་བྱེད་བར་གྱུར་ཏོ། །
417b2 དེ་ལ་སྲོད་དང་། ཐོ་རངས་བྱ་རྣམས་སྐད་སྒྲོགས་སོ། །མེ་ཏོག་ཁ་ཟུམ་པ་དང་། བྱེ་བས་མཚན་མོ་དང་། ཉིན་མོར་ཤེས་པར་བྱེད་དོ། །གང་དང་། གང་དུ་ཆོས་སྟོན་པར་བྱེད་པ་དེ་དང་། དེ་རུ
417b3 ཆོས་ཀྱི་སྒྲ་སྒྲོགས་སོ། །དེའི་ཕྱིར་གསུངས་པ། འོད་དང་འོད་ཟེར་ཚད་རྣམས་ནི། །དབྱངས་དང་དབྱངས་ཀྱི་ཚད་ཙམ་མོ། །གཟི་བརྗིད་གཟི་ཡི་ཚད་རྣམས་ནི། །བསོད་ནམས་བསོད་ནམས
417b4 ཀྱི་ནི་ཚད། །ཤེས་རབ་ཤེས་རབ་ཀྱི་ནི་ཚད། །གྲགས་པ་གྲགས་པ་ཡི་ནི་ཚད། །ཁ་དོག་ཁ་དོག་གི་ནི་ཚད། །ཆོས་ནི་ཆོས་རྣམས་ཀྱི་ནི་ཚད། །དེ་ནས་སྟོང་ཕྲག་བརྒྱད་ཅུ་རྩ་བཞིའི་བྲམ
417b5 ཟེ་དང་། བྱེ་བ་ཕྲག་བཅོ་བརྒྱད་ཀྱི་ཚངས་པ་རྣམས་ཀྱིས་བདུད་རྩིའི་བཏུང་བ་འཐུང་ནས། ཇི་ལྟར་བཅོམ་ལྡན་འདས་བསོད་ནམས་ཀྱི་མཐུ་ཡིས་རྣམ་པ་བརྒྱ་ཕྲག་དུ་མའི་འོད་ཟེར
417b6 འཕྲོ་ཞིང་། རྣམ་པ་བརྒྱ་ཕྲག་དུ་མའི་མཚན་རྫོགས་པ་མཚན་སུམ་ཅུ་རྩ་གཉིས་མཆོག་དང་ལྡན་པ། དཔེ་བྱད་བཟང་པོ་བརྒྱད་ཅུ་དང་ལྡན་པར་བརྒྱ་ཕྲག་དུ་མའི་སྐུ་མདོག་རྣམ
417b7 པ་དུ་མའི་ཡ་མཚན་དང་ལྡན་པར་གྱུར་པ། བརྒྱ་ཕྲག་དུ་མའི་འོད་ཟེར་དེའི་སྐུ་ལས་འཐོན་པར་གྱུར་ཏོ། །དེ་ནི་ཁ་དོག་སྔོན་པོ་དང་། ཁ་དོག་སེར་པོ་དང་། ཁ་དོག་དམར་པོ་དང་།
iiif viewer powered by OpenSeadragon
