| e-texts navigator |
| Wylie |
40a1 པར་གྲོལ་བ་ཡང་ཤེས་རབ་ཀྱི་ཕ་རོལ་ཏུ་ཕྱིན་པ་མ་ཡིན་པའི་ཕྱིར་རོ། །རབ་ཀྱི་རྩལ་གྱིས་རྣམ་པར་གནོན་པ། ཤེས་རབ་ཀྱི་ཕ་རོལ་ཏུ་ཕྱིན་པ་ནི། ཆོས་གང་དུ་ཡང
40a2 གཏོགས་པ་ཡང་མ་ཡིན། མི་གཏོགས་པ་ཡང་མ་ཡིན་ཏེ། གང་གཏོགས་པ་དང་། གང་མི་གཏོགས་པའི་ཆོས་རྣམས་ཀྱི་དེ་བཞིན་ཉིད་དང་། མ་ནོར་བ་དེ་བཞིན་ཉིད་དང་། གཞན་མ་ཡིན་པ་དེ
40a3 བཞིན་ཉིད་དང་། ཇི་ལྟ་བ་བཞིན་གྱི་དེ་བཞིན་ཉིད་དེ། ཤེས་རབ་ཀྱི་ཕ་རོལ་ཏུ་ཕྱིན་པའོ། །རབ་ཀྱི་རྩལ་གྱིས་རྣམ་པར་གནོན་པ། དེ་བཞིན་ཉིད་ཅེས་བྱ་བ་དེ། གང་གི་ཚིག་བླ་དྭགས་ཡིན་ཞེ་ན། རབ
40a4 ཀྱི་རྩལ་གྱིས་རྣམ་པར་གནོན་པ། ཇི་ལྟར་བྱིས་པ་སོ་སོའི་སྐྱེ་བོ་རྣམས་ཀྱིས་དམིགས་པའི་ཆོས་དེ་དག་ནི། དེ་བཞིན་དུ་མ་ཡིན་ཞིང་། གཞན་དུ་ཡང་མ་ཡིན། ཇི་ལྟར་ཆོས་རྣམས་དེ་བཞིན་གཤེགས
40a5 པ་དང་། དེ་བཞིན་གཤེགས་པའི་ཉན་ཐོས་དང་། བྱང་ཆུབ་སེམས་དཔས་མཐོང་བའི་ཆོས་དེ་ལྟ་བུ་ནི། དེ་བཞིན་ཉིད། མ་ནོར་བ་དེ་བཞིན་ཉིད། གཞན་མ་ཡིན་པ་དེ་བཞིན་ཉིད་དེ། དེའི་ཕྱིར་དེ
40a6 བཞིན་ཉིད་ཅེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ། འདི་ནི། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པའོ། །རབ་ཀྱི་རྩལ་གྱིས་རྣམ
40a7 པར་གནོན་པ། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི། ཆོས་གང་འབྲི་བའི་ཕྱིར་རམ། འཕེལ་བའི་ཕྱིར་ཉེ་བར་གནས་པ་མ་ཡིན་ནོ། །ཆོས་གང་འདུ་བའི་ཕྱིར་རམ། འབྲལ་བའི་ཕྱིར་རམ། བྲི
iiif viewer powered by OpenSeadragon
