| e-texts navigator |
| Wylie |
37b1 གང་ཁམས་དང་། སྐྱེ་མཆེད་དང་། རྟེན་ཅིང་འབྲེལ་བར་འབྱུང་བ་མངོན་དུ་འགྲུབ་པར་གཏོགས་པ་བསྟན་པ་དེ། ཤེས་རབ་ཀྱི་ཕ་རོལ་ཏུ་ཕྱིན་པ་མ་ཡིན་གྱི། གང་ཁམས་དང་། སྐྱེ་མཆེད་དང་། རྟེན་ཅིང
37b2 འབྲེལ་བར་འབྱུང་བ་མངོན་དུ་འགྲུབ་པར་གཏོགས་པ་བསྟན་པའི་དེ་བཞིན་ཉིད་དང་། མ་ནོར་བ་དེ་བཞིན་ཉིད་དང་། གཞན་མ་ཡིན་པ་དེ་བཞིན་ཉིད་དང་། ཇི་ལྟ་བ་བཞིན་གྱི་དེ་བཞིན་ཉིད་དེ། ཤེས
37b3 རབ་ཀྱི་ཕ་རོལ་ཏུ་ཕྱིན་པའོ། །རབ་ཀྱི་རྩལ་གྱིས་རྣམ་པར་གནོན་པ། གང་ཕྱིན་ཅི་ལོག་དང་། སྒྲིབ་པ་མངོན་དུ་འགྲུབ་པར་གཏོགས་པ་བསྟན་པ་དེ། ཤེས་རབ་ཀྱི་ཕ་རོལ་ཏུ་ཕྱིན་པ་མ་ཡིན་གྱི། གང
37b4 ཕྱིན་ཅི་ལོག་དང་། སྒྲིབ་པ་མངོན་དུ་འགྲུབ་པར་གཏོགས་པ་བསྟན་པའི་དེ་བཞིན་ཉིད་དང་། མ་ནོར་བ་དེ་བཞིན་ཉིད་དང་། གཞན་མ་ཡིན་པ་དེ་བཞིན་ཉིད་དང་། ཇི་ལྟ་བ་བཞིན་གྱི་དེ་བཞིན་ཉིད་དེ། ཤེས་རབ
37b5 ཀྱི་ཕ་རོལ་ཏུ་ཕྱིན་པའོ། །རབ་ཀྱི་རྩལ་གྱིས་རྣམ་པར་གནོན་པ། གང་སྲེད་པར་སྤྱོད་པ་སུམ་ཅུ་རྩ་དྲུག་མངོན་དུ་འགྲུབ་པར་གཏོགས་པ་བསྟན་པ་དེ། ཤེས་རབ་ཀྱི་ཕ་རོལ་ཏུ་ཕྱིན་པ་མ་ཡིན་གྱི། གང་སྲེད
37b6 པར་སྤྱོད་པ་སུམ་ཅུ་རྩ་དྲུག་མངོན་དུ་འགྲུབ་པར་གཏོགས་པ་བསྟན་པའི་དེ་བཞིན་དང་། མ་ནོར་བ་དེ་བཞིན་དང་། གཞན་མ་ཡིན་པ་དེ་བཞིན་དང་། ཇི་ལྟ་བ་བཞིན་གྱི་དེ་བཞིན་ཉིད་དེ། ཤེས་རབ་ཀྱི་ཕ་རོལ
37b7 ཏུ་ཕྱིན་པའོ། །རབ་ཀྱི་རྩལ་གྱིས་རྣམ་པར་གནོན་པ། གང་ལྟ་བར་གྱུར་པ་དྲུག་ཅུ་རྩ་གཉིས་མངོན་དུ་འགྲུབ་པར་གཏོགས་པ་བསྟན་པ་དེ། ཤེས་རབ་ཀྱི་ཕ་རོལ་ཏུ་ཕྱིན་པ་མ་ཡིན་གྱི། ལྟ་བར་གྱུར་པ་དྲུག
iiif viewer powered by OpenSeadragon
