| e-texts navigator |
| Wylie |
25b1 འཁོར་འདིའི་ཡོན་ཏན་ཡོངས་སུ་བརྗོད་པར་རྔོ་མི་ཐོགས་ལགས་སོ། །དེ་ཅིའི་སླད་དུ་ཞེ་ན། བཅོམ་ལྡན་འདས། འཁོར་འདི་ནི། རི་རབ་དང་འདྲ་སྟེ། ཡོན་ཏན་མཐའ་ཡས་པ་དང་ལྡན་པ
25b2 ལགས་པའི་སླད་དུའོ། །བཀའ་སྩལ་པ། ཤཱ་ར་དྭ་ཏིའི་བུ། དེ་དེ་བཞིན་ཏེ། འཁོར་འདི་ནི། ཡོན་ཏན་མཐའ་ཡས་པ་དང་ལྡན་པ་སྟེ། འཁོར་འདིའི་ཡོན་ཏན་གྱི་མཐའ་ཡང་དག་པར་རྫོགས་པའི
25b3 སངས་རྒྱས་རྣམས་ཀྱིས་ཀྱང་རྟོགས་པར་མི་ནུས་ན། སེམས་ཅན་གཞན་ཐམས་ཅད་ཀྱིས་ལྟ་ཅི་སྨོས། ཤཱ་རདྭ་ཏིའི་བུ། འཁོར་འདི་ནི། དེ་བཞིན་གཤེགས་པས་བསྡུས་པ་མ་ཡིན་ཞིང་། འདི
25b4 ལ་དེ་བཞིན་གཤེགས་པས་རྩོལ་བ་ཅི་ཡང་མི་མཛད་དེ། རང་གི་དགེ་བའི་རྩ་བས་ངའི་མིང་ཐོས་ནས་འཁོར་འདིར་འདུས་ཏེ་དེ་བཞིན་གཤེགས་པའི་འཁོར་འདི་གང་ལ་ཡང་མ་གླེང་མ་བསྒོ་བར་དེ
25b5 དག་རང་གི་དགེ་བའི་རྩ་བས་བསྐུལ་ནས་འཁོར་འདིར་ལྷགས་སོ། །འདི་ལྟ་བུའི་ཆོས་བསྟན་པ་ལ་འདི་ལྟ་བུའི་སེམས་ཅན་ཆེན་པོ་འདུ་བར་འགྱུར་བ་ནི། དེའི་ཆོས་ཉིད་དོ། །ཤཱ་རདྭ་ཏིའི་བུ། གང
25b6 སངས་རྒྱས་བཅོམ་ལྡན་འདས་གཞན་དག་བྱང་ཆུབ་སེམས་དཔའི་སྡེ་སྣོད་ཐེ་ཚོམ་ཐམས་ཅད་གཅོད་པ་འདི་ཡང་དག་པར་སྟོན་པ་དེ་དག་གི་འཁོར་ཀྱང་འདི་ལྟ་བུར་འདུ་བར་འགྱུར་ཏེ། འདི་ལྟ་བུ
25b7 འདི་འདྲ་བའི་འཁོར་གྱི་དཀྱིལ་འཁོར་གདོན་མི་ཟ་བར་འབྱུང་བ་ནི། ཆོས་བསྟན་པ་འདིའི་ཆོས་ཉིད་དོ། །ཀུན་དགའ་བོའི་ལེའུ་ཞེས་བྱ་སྟེ། གཉིས་པའོ།། །།དེ་ནས་བཅོམ་ལྡན
iiif viewer powered by OpenSeadragon
