| e-texts navigator |
| Wylie |
24b1 ནི|་ཆོས་རིན་པོ་ཆེའི་མཛོད་འདི་ཚོལ་བ་སྟེ། ཆོས་རིན་པོ་ཆེ་དམིགས་སུ་མེད་པ། སྟོང་པ་ཉིད་དང་ལྡན་པ། སངས་རྒྱས་ཀྱི་ཆོས་དང་ལྡན་པ་འདི་འདོད་ཅིང་བཟོད་དེ་དེ་དག་དེས་བྱ་བ་བྱེད་དོ། །སེམས་ཅན
24b2 དབུལ་པོ་ཐོས་པ་དང་བྲལ་བ། ཐོས་པ་ཉམས་པ། མིག་དང་མི་ལྡན་པའི་བྱིས་པ་དེ་དག་ནི། ཆོས་རིན་པོ་ཆེའི་མཛོད་རྙེད་ཀྱང་ཅི་ཞིག་བྱ་ཞེས་འདོར་ཞིང་གཞན་ལ་སྦྱིན་པར་སེམས་སོ། །ཀུན་དགའ་བོ།
24b3 གདོལ་པ་དང་། གཡུང་པོ་དང་། སྨྲིག་མ་མཁན་དང་། དབུལ་བོས་འཚོ་བའི་སེམས་ཅན་གང་གཞན་ལ་ལས་རིན་པོ་ཆེ་མང་པོ་རྙེད་ན། བདག་མི་སྤྱོད་དེ། རིན་ཐང་ཆུང་ངུར་འཚོང་ཞིང་འདོར་རོ། །ཀུན
24b4 དགའ་བོ། སེམས་ཅན་དབུལ་པོ་ཞེས་བྱ་བ་དེ་ནི། མུ་སྟེགས་ཅན་ཐམས་ཅད་དང་། གང་མུ་སྟེགས་ཅན་གྱི་ཉན་ཐོས་རྣམས་ཀྱི་ཚིག་བླ་དྭགས་སོ། །ཀུན་དགའ་བོ། སེམས་ཅན་དབུལ་པོ་ཞེས
24b5 བྱ་བ་དེ་ནི། བྱིས་པ་སོ་སོའི་སྐྱེ་བོ། །ལྟ་བའི་འདམ་དུ་བྱིང་བ། དམིགས་པ་ཅན། འཆིང་བ་ལ་མངོན་པར་ཞེན་པ། མཚན་མ་ལ་སྤྱོད་པ། ལམ་ལོག་པར་སོང་བ་རྣམས་ཀྱི་ཚིག་བླ་དྭགས་ཏེ། དེ
24b6 དག་ནི། ཆོས་རིན་པོ་ཆེ་འདི་རྙེད་ན། ཀུན་ཏུ་སྤྱོད་མི་ནུས་ཤིང་འདོར་ཏེ། དོན་མེད་པར་ཡང་གཞན་ལ་ཡང་སྦྱིན་པར་བྱེད་དོ། །ཀུན་དགའ་བོ། གང་སངས་རྒྱས་ཀྱི་སྲས་སངས་རྒྱས་ཀྱི་སྤྱོད་ཡུལ
24b7 ལ་སྤྱོད་པ། དེ་བཞིན་གཤེགས་པའི་རིགས་རྒྱུན་མི་གཅད་པར་གནས་པ་དེ་དག་ཆོས་རིན་པོ་ཆེ་འདི་ལ་ཡོངས་སུ་སྤྱོད་དོ། །རྙེད་ནས་ཀྱང་ཆུད་མི་གསོན་ཅིང་འདི་ལ་རིན་པོ་ཆེར་འདུ་ཤེས་པར་འགྱུར
iiif viewer powered by OpenSeadragon
