| e-texts navigator |
| Wylie |
24a1 རྒྱལ་ཅན། ལྟ་བ་ལ་སྤྱོད་པ། མཚན་མ་ལ་སྤྱོད་པ། དམིགས་པ་ལ་སྤྱོད་པ། ངའོ་སྙམ་པའི་ང་རྒྱལ་གྱིས་བཅོམ་པ། འདོད་ཆགས་དང་། ཞེས་སྡང་དང་། གཏི་མུག་གི་ཟིལ
24a2 གྱིས་གནོན་པ། ལོག་པའི་ལམ་དུ་དོང་བ་རྣམས་ཀྱི་ཆོས་རིན་པོ་ཆེ་འདི་བཟོད་པར་མི་ནུས་སོ། །ཀུན་དགའ་བོ། དམན་པ་ལ་མོས་པའི་སེམས་ཅན་རྣམས་ནི། འཁོར་ལོས་བསྒྱུར་བའི་ནོར་མི
24a3 འདོད་ཀྱི། ཀུན་དགའ་བོ། གང་དག་འཁོར་ལོས་བསྒྱུར་བའི་བུར་གྱུར་པ་དེ་དག་ནི། འཁོར་ལོས་བསྒྱུར་བའི་ནོར་འདོད་དོ། །ཀུན་དགའ་བོ། སེམས་ཅན་དབུལ་པོ་རྣམས་ནི། འཁོར་ལོ་རིན་པོ
24a4 ཆེ་དང་། གླང་པོ་རིན་པོ་ཆེ་དང་། རྟ་རིན་པོ་ཆེ་དང་། ནོར་བུ་རིན་པོ་ཆེ་དང་། བུད་མེད་རིན་པོ་ཆེ་དང་། ཁྱིམ་བདག་རིན་པོ་ཆེ་དང་། བློན་པོ་རིན་པོ་ཆེ་དང་། གོས་མང་པོ་དང་། གསེར་དང་། ནོར
24a5 བུ་དང་། མུ་ཏིག་དང་། བཻ་ཌཱུཪྱ་དང་། དུང་དང་། མན་ཤེལ་དང་། བྱི་རུ་དང་། ས་ལེ་སྦྲམ་དང་། དངུལ་མང་པོ་དག་དགོས་པར་མི་འཛིན་ཏེ། རྙེད་ཀྱང་དགའ་བར་ཀུན་ཏུ་སྤྱོད་པར་མི་ནུས་ཤིང་།
24a6 རིན་ཐང་ཆུང་ངུར་ཚོང་ལ་མི་མཁས་པས་འདོར་རོ། །དེ་ཅིའི་ཕྱིར་ཞེ་ན། དེ་དག་རིན་པོ་ཆེ་ལ་མི་མཁས་པའི་ཕྱིར་རོ། །ཀུན་དགའ་བོ། སེམས་ཅན་དབུལ་པོ་ནི། རིན་པོ་ཆེ་འདིའི་མིང་ནི། འདིའོ། །ཞེས
24a7 བྱ་བར་རིན་པོ་ཆེ་རྣམས་ཀྱི་མིང་ཡང་མི་ཤེས་སོ། །ཀུན་དགའ་བོ། དེ་བཞིན་དུ་དེ་བཞིན་གཤེགས་པའི་སྲས་བདེན་པ་མཐོང་བ་རྣམས་དང་། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག
iiif viewer powered by OpenSeadragon
