| e-texts navigator |
| Wylie |
22b1 རྣམས་ནི། ང་རྒྱལ་གྱི་དབང་གིས་འགྲོ་བས། དེ་དག་སངས་རྒྱས་ཀྱི་བྱང་ཆུབ་ལ་མི་མཐུན་པར་གནས་སོ། །ཀུན་དགའ་བོ། འཁོར་འདི་ནི། གཙང་མ་སྟེ། སྔོན་གྱི་རྒྱལ་བ་རྣམས་ལ་བྱ་བ་བྱས་ཤིང་དགེ
22b2 བའི་རྩ་བ་བསྐྱེད་པ། སངས་རྒྱས་མང་པོ་ལ་བསྙེན་བཀུར་བྱས་པ། ཟབ་མོ་ལ་མོས་པ་ཟབ་མོ་སྤྱོད་པ་སྟེ། ཀུན་དགའ་བོ། འཁོར་འདི་ལ་དེ་བཞིན་གཤེགས་པས་ཡིད་བརྟན་ནས་ཆོས་མངོན་པར
22b3 སྟོན་གྱི|་རྗེས་སུ་སྲུང་བའི་ཆོས་ནི། ཅུང་ཟད་ཀྱང་མི་སྟོན་ཏོ། །ཀུན་དགའ་བོ། འཁོར་འདི་ནི། སྙིང་པོ་སྟེ། ས་ཞག་དང་། གསེག་མ་དང་། གྱོ་མོ་མེད་པ། སངས་རྒྱས་བརྒྱ་སྟོང་མང་པོ་ལ
22b4 བསྙེན་བཀུར་བྱས་པ། སྙིང་པོ་ལ་རབ་ཏུ་གནས་པའོ། །ཀུན་དགའ་བོ། གསེག་མ་དང་། གྱོ་མོ་ཞེས་བྱ་བ་དེ་ནི། བྱིས་པ་སོ་སོའི་སྐྱེ་བོ་རྣམས་ཀྱི་ཚིག་བླ་དྭགས་ཏེ། གང་དག་ཆོས་འདི་ལ་གོ
22b5 སྐབས་མེད་པའོ། །ཀུན་དགའ་བོ། ས་ཞག་ཅེས་བྱ་བ་དེ་ནི། སེམས་ཅན་ང་རྒྱལ་ཅན་རྣམས་ཀྱི་ཚིག་བླ་དྭགས་སོ། །ཀུན་དགའ་བོ། འཁོར་འདི་ནི། ང་རྒྱལ་མེད་པ། དགེ་བའི་རྩ་བ་ཆེན་པོས
22b6 མངོན་པར་འཕགས་པའོ། །ཀུན་དགའ་བོ། འདི་ལྟ་སྟེ། དཔེར་ན། ཀླུའི་རྒྱལ་པོ་མ་དྲོས་པ་རབ་ཏུ་དགའ་བར་གྱུར་ཏེ། དགའ་བ་དང་། ཡིད་བདེ་བ་སྐྱེས་ནས་རང་གི་གནས་ན་འདོད་པའི་ཡོན་ཏན
22b7 ལྔ་ལ་ཀུན་དུ་སྤྱོད་ཅིང་། རང་གི་གནས་ན་རབ་ཏུ་དགའ་བར་ཡན་ལག་བརྒྱད་དང་ལྡན་པའི་ཆར་གྱི་ཆུ་ཆེན་པོ་འབེབས་སོ། །དེའི་བུར་གྱུར་པ་དེ་དག་ཀྱང་རབ་ཏུ་དགའ་ནས་རང་རང་གི་གནས་ན
iiif viewer powered by OpenSeadragon
