| e-texts navigator |
| Wylie |
21b1 པ་མ་ཡིན་ནོ། །ཚེ་དང་ལྡན་པ་ཀུན་དགའ་བོ། ང་རྒྱལ་ཞེས་བྱ་བ་དེ་ནི། ལྷག་པར་བྱེད་པ་སྒྲོ་འདོགས་པའི་ཚིག་བླ་དྭགས་སོ། །གང་དག་ང་རྒྱལ་ལ་སྤྱོད་ཅིང་ལྷག་པར་བྱེད་པ་སྒྲོ་འདོགས་པར་བྱེད་པ
21b2 དེ་དག་ནི། མཚུངས་པར་མི་སྤྱོད་དོ། །མཚུངས་པར་སྤྱོད་པ་ཡང་ཆོས་འདི་ལ་ཐེ་ཚོམ་ཟའོ། །ཚེ་དང་ལྡན་པ་ཀུན་དགའ་བོ། གང་དག་མཉམ་པ་ཡང་མི་དམིགས། མི་མཉམ་པ་ཡང་མ་ཡིན།
21b3 མཉམ་པར་ཡང་རློམ་སེམས་མི་བྱེད། མི་མཉམ་པར་ཡང་མ་ཡིན། མཉམ་པར་ཡང་མི་ཞེ་ན། མི་མཉམ་པར་ཡང་མ་ཡིན་པ་དེ་དག་ནི། གང་ལ་ཡང་མི་སྐྲག། མི་དངངས། དངང་པར་མི
21b4 འགྱུར་རོ། །ཚེ་དང་ལྡན་པ་ཀུན་དགའ་བོ། འདི་ནི། བྱིས་པ་སོ་སོའི་སྐྱེ་བོ་ཐམས་ཅད་ཀྱི་ཡུལ་མ་ཡིན་ཏེ། མི་རྟོགས་སོ། །ཚེ་དང་ལྡན་ཀུན་དགའ་བོ། འདི་ནི། བྱིས་པ་སོ་སོའི་སྐྱེ་བོ་ཐམས་ཅད་ཀྱིས་ཤེས
21b5 ཤིང་རྟོགས་པ་མ་ཡིན་ནོ། །ཚེ་དང་ལྡན་པ་ཀུན་དགའ་བོ། ཉན་ཐོས་ཀྱི་ཐེག་པ་ཅན་རྣམས་ཀྱིས་ཀྱང་མི་རྟོགས་སོ། །འདི་ནི། གང་རང་སངས་རྒྱས་ཀྱི་ཐེག་པ་ཅན་ཆོས་ཟབ་མོ་ལ་སྤྱོད་པ་དེ་དག་གིས
21b6 ཀྱང་མི་རྟོགས་སོ། །ཚེ་དང་ལྡན་པ་ཀུན་དགའ་བོ། བྱང་ཆུབ་སེམས་དཔའི་ཐེག་པ་ཅན་གང་དག་མཚན་མ་ལ་སྤྱོད་པ་དགེ་བའི་བཤེས་གཉེན་གྱིས་ཡོངས་སུ་མ་ཟིན་པ། སྡིག་པའི་གྲོགས་པོའི་ལག་ཏུ
21b7 སོང་བ་དེ་དག་ཀྱང་ཆགས་པ་མེད་པའི་ཆོས་འདི་དག་མི་རྟོགས་ཤིང་ཡུལ་མ་ཡིན་ཏེ། ཚེ་དང་ལྡན་པ་ཀུན་དགའ་བོ། ཉན་ཐོས་ཀྱི་ཐེག་པ་ཅན་བདེན་པ་མཐོང་བ་དང་། བྱང་ཆུབ་སེམས་དཔའི་ཐེག་པ་ཅ
iiif viewer powered by OpenSeadragon
