| e-texts navigator |
| Wylie |
20b1 ངས་དེ་ལ་དགོངས་ནས་གང་བདག་གཉིས་སུ་མེད་པར་ཤེས་པ་དེ་ནི། སངས་རྒྱས་དང་། ཆོས་ཀྱང་རབ་ཏུ་ཤེས་སོ། །ཞེས་བཤད་དོ། །དེ་ཅིའི་ཕྱིར་ཞེ་ན། གཉིས་སུ་མེད་པར་ཡོངས་སུ་ཤེས་པས་ཆོས
20b2 ཐམས་ཅད་ཡོངས་སུ་ཤེས་ཏེ། དེ་ཆོས་ཐམས་ཅད་ཀྱི་བདག་གི་ངོ་བོ་ཉིད་བསྒོམས་པའི་ཕྱིར་རོ། །གང་གཉིས་སུ་མེད་པའི་ཆོས་ཤེས་པ་དེ་ནི། སངས་རྒྱས་ཀྱི་ཆོས་ཤེས་པ་སྟེ། ཆོས་གཉིས་སུ
20b3 མེད་པར་ཡོངས་སུ་ཤེས་པས་སངས་རྒྱས་ཀྱི་ཆོས་ཡོངས་སུ་ཤེས་སོ། །བདག་ཡོངས་སུ་ཤེས་པས་ཁམས་གསུམ་ཐམས་ཅད་ཡོངས་སུ་ཤེས་སོ། །རབ་ཀྱི་རྩལ་གྱིས་རྣམ་པར་གནོན་པ། གང
20b4 དག་ཡོངས་སུ་ཤེས་པ་ཞེས་བྱ་བ་དེ་ནི། ཆོས་ཐམས་ཅད་ཀྱི་ཕ་རོལ་ལོ། །ཆོས་ཐམས་ཅད་ཀྱི་ཕ་རོལ་ཡང་གང་ཞེ་ན། གང་ཕ་རོལ་ཉིད་ཀྱང་མི་དམིགས། ཕ་རོལ་ཏུ་རློམ་སེམས་སུ་མི་བྱེད། ཕ
20b5 རོལ་ལ་མངོན་པར་མི་ཞེན་པ་དེ་ནི། ཡོངས་སུ་ཤེས་པས་ཕ་རོལ་ཏུ་སོང་བ་ཞེས་བྱ་སྟེ། ཇི་སྐད་དུ་བརྗོད་པ་བཞིན་དུ་ནི་མ་ཡིན་ནོ། །རབ་ཀྱི་རྩལ་གྱིས་རྣམ་པར་གནོན་པ། དེ་ལྟར་འདི་ནི། བྱང
20b6 ཆུབ་སེམས་དཔའི་ས་ཡིན་པར་རིག་པར་བྱའོ། །གང་ལ་ཤེས་པར་བྱ་བ་དང་། རྟོགས་པར་བྱ་བ་ཕྲ་རབ་ཙམ་ཡང་མེད་པ་དེ་ནི། བྱང་ཆུབ་སེམས་དཔའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། དེ
20b7 ལ་ནི|་འོང་བའམ། འགྲོ་བ་མི་མངོན་ནོ། །གླེང་གཞིའི་ལེའུ་ཞེས་བྱ་སྟེ། དང་པོའོ།། །།བམ་པོ་གཉིས་པ། དེ་ནས་བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི
iiif viewer powered by OpenSeadragon
