| e-texts navigator |
| Wylie |
17b1 ངའི་ཞེའམ། ངའོ། །ཞེས་བྱ་བར་གྱུར་ན། དེའི་ཕྱིར་སེམས་ཅན་ཐམས་ཅད་ཡང་དག་པར་འགྱུར་བ་ཞིག་ན། རབ་ཀྱི་རྩལ་གྱིས་རྣམ་པར་གནོན་པ། འདི་ལྟར་ང་ཞེའམ། ངའི་ཞེའམ། ངའོ། །ཞེས་བྱ
17b2 བའི་ཆོས་གང་ཡང་མེད་པས། དེའི་ཕྱིར་སེམས་ཅན་ནི། ཡང་དག་པ་མ་ཡིན་པ་སྟེ། སེམས་ཅན་ཐམས་ཅད་ནི། མ་རིག་པ་འདུ་བྱེད་པས་སེམས་ཅན་ཐམས་ཅད་ཅེས་བྱའོ། །རབ་ཀྱི་རྩལ་གྱིས
17b3 རྣམ་པར་གནོན་པ། གང་ལ་ཡང་ང་ཞེའམ། ངའི་ཞེའམ། ངའོ། །ཞེས་བྱ་བའི་སེམས་ཅན་ཞེས་བྱ་བའི་ཆོས་གང་ཡང་མེད་དེ། གང་གི་ཕྱིར་མེད་པ་དེའི་ཕྱིར་སེམས་ཅན་ནི། ཡང་དག་པ་མ་ཡིན
17b4 པ་ཞེས་བྱའོ། །ཡང་དག་པ་མ་ཡིན་པ་ཞེས་བྱ་བ་དེ་ནི། སེམས་ཅན་མེད་པའི་ཚིག་བླ་དྭགས་སོ། །ཇི་ལྟར་སེམས་ཅན་དུ་འདུ་ཤེས་པ་ཡང་དག་པ་མ་ཡིན་པ་ལ་མངོན་པར་ཞེན་པ་དེ་ལྟར་སེམས་ཅན
17b5 རྣམས་ཡང་དག་པ་མ་ཡིན་པ་ཞེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ། ཡང་དག་པ་མ་ཡིན་པ་ཞེས་བྱ་བ་དེ་ལ་ནི། ཡང་དག་པ་ཅི་ཡང་མེད་ཅིང་མ་བྱུང་བའོ། །ཆོས་ཐམས་ཅད་ཀྱང་ཡང
17b6 དག་པ་མ་ཡིན་ཞིང་མ་བྱུང་བའོ། །དེ་ལ་སེམས་ཅན་ཡང་དག་པ་མ་ཡིན་པ་ལ་ལྷག་པར་ཆགས་པ་དེ་ནི། རྣམ་པར་འཆིང་བ་སྟེ། དེའི་ཕྱིར་ཡང་དག་པ་མ་ཡིན་པ་ལ་དམིགས་པ་ནི། སེམས་ཅན་ཞེས
17b7 བྱའོ|་|དེ་དག་ནི། སྤྱོད་པ་གང་ཁོང་དུ་ཆུད་པས་བྱང་ཆུབ་སེམས་དཔའ་ཞེས་བྱ་བའི་རང་གི་སྤྱོད་པ་དེ་མི་ཤེས་ཏེ། ཡོངས་སུ་མ་རྟོགས་པས་སེམས་ཅན་ནི། ཡང་དག་པ་མ་ཡིན་པ་ཞེས་བྱའོ། །རབ
iiif viewer powered by OpenSeadragon
