| e-texts navigator |
| Wylie |
15a1 པ་སྟེ|་ངས་དེ་ལ་དགོངས་ནས་སེམས་ཅན་གྱི་ཁམས་ནི། གང་བའམ། བྲི་བར་ཡང་མི་མངོན་ནོ། །ཞེས་བཤད་དོ། །དེ་ཅིའི་ཕྱིར་ཞེ་ན། སེམས་ཅན་གྱི་ཁམས་རབ་ཏུ་དབེན
15a2 པའི་ཕྱིར་སེམས་ཅན་གྱི་ཁམས་ནི། སེམས་ཅན་མ་ཡིན་ནོ། །ཇི་ལྟར་སེམས་ཅན་གྱི་ཁམས་བྲི་བ་དང་། གང་བར་མི་མངོན་པ་བཞིན་དུ་ཆོས་ཐམས་ཅད་ཀྱང་བྲི་བའམ་གང་བར་མི་མངོན་ནོ། །
15a3 གང་དག་བྲི་བའམ། གང་བར་འགྱུར་བར་ཆོས་ཐམས་ཅད་ལ་ཡོངས་སུ་གྲུབ་པ་གང་ཡང་མེད་དེ། གང་གིས་དེ་ལྟར་ཆོས་ཐམས་ཅད་ཁོང་དུ་ཆུད་པ་དེ་ནི། སངས་རྒྱས་ཀྱི་ཆོས་ཁོང་དུ་ཆུད་པ
15a4 ཞེས་བྱ་སྟེ། ངས་འདི་ལ་དགོངས་ནས་ཇི་ལྟར་སེམས་ཅན་གྱི་ཁམས་བྲི་བའམ། གང་བར་མི་མངོན་པ་དེ་བཞིན་དུ་ཆོས་ཐམས་ཅད་ཀྱང་བྲི་བའམ། གང་བར་མི་མངོན་ནོ། །ཞེས་བཤད་དོ། །གང
15a5 ཡང་ཡོངས་སུ་མ་གྲུབ་པའི་ཚུལ་གྱིས་ཆོས་ཐམས་ཅད་བྲི་བ་མ་ཡིན། གང་བ་མ་ཡིན་པ་དེས་སངས་རྒྱས་ཀྱི་ཆོས་ཀྱང་བྲི་བ་མ་ཡིན། གང་བ་མ་ཡིན་ནོ། །དེ་ལྟར་ཆོས་ཐམས་ཅད་ཁོང་དུ་ཆུད
15a6 པའི་ཕྱིར་སངས་རྒྱས་ཀྱི་ཆོས་རྣམས་བྲི་བ་མེད་ཅིང་གང་བ་མེད་པའོ། །ཆོས་ཐམས་ཅད་བྲི་བ་མེད་ཅིང་གང་བ་མེད་པའི་ཕྱིར་སངས་རྒྱས་ཀྱི་ཆོས་ཞེས་བྱ་བ་དེ་ནི། སངས་རྒྱས་ཀྱི་ཆོས་ཀྱི་ཚིག་བླ
15a7 དྭགས་མ་ཡིན་ནོ། །སངས་རྒྱས་ཀྱི་ཆོས་ནི། གང་གིས་ཀྱང་བྲི་བའམ། གང་བར་བྱ་བར་མི་ནུས་སོ། །དེ་ཅིའི་ཕྱིར་ཞེ་ན། འདི་ནི། ཆོས་ཐམས་ཅད་ཁོང་དུ་ཆུད་པའི་ཕྱིར་ཏེ། གང་ཆོས
iiif viewer powered by OpenSeadragon
