| e-texts navigator |
| Wylie |
14b1 སྐད་དུ་བརྗོད་པ་བཞིན་དུ་མ་ཡིན་ནོ། །དེ་ཅིའི་ཕྱིར་ཞེ་ན། སེམས་ཅན་མེད་པའི་ཕྱིར་རོ། །གལ་ཏེ་བྱང་ཆུབ་སེམས་དཔའ་ཡང་དག་པར་དམིགས་ན་ནི། འདི་ནི། བྱང་ཆུབ། འདི་ནི། སེམས
14b2 ཅན་ཞེས་བྱང་ཆུབ་དེ་ཡང་རྙེད་པར་འགྱུར་རོ། །སེམས་ཅན་མེད་པ་དང་། སེམས་ཅན་མ་ཡིན་པ་དང་། སེམས་ཅན་དང་བྲལ་བར་ཁོང་དུ་ཆུད་པ་ནི། བྱང་ཆུབ་སེམས་དཔའ་ཞེས་བྱའོ། །སེམས
14b3 ཅན་མེད་པ་དང་། སེམས་ཅན་དུ་འདུ་ཤེས་རྣམ་པར་བཤིག་པས་བྱང་ཆུབ་སེམས་དཔའ་ཞེས་བྱའོ། །དེ་ཅིའི་ཕྱིར་ཞེ་ན། སེམས་ཅན་གྱི་ཁམས་ཞེས་བྱ་བ་དེ་ནི། སེམས་ཅན་མེད་པའི
14b4 ཚིག་བླ་དྭགས་སོ། །སེམས་ཅན་གྱི་ཁམས་མེད་པའི་ཕྱིར་སེམས་ཅན་ལ་སེམས་ཅན་མེད་དོ། །གལ་ཏེ་སེམས་ཅན་ལ་སེམས་ཅན་ཡོད་ན་ནི། སེམས་ཅན་གྱི་ཁམས་ཞེས་མི་བྱའོ། །སེམས
14b5 ཅན་གྱི་ཁམས་ཞེས་བྱ་བ་དེ་ནི། ཁམས་མེད་པར་བསྟན་ཏེ། ཁམས་མེད་པ་ནི། སེམས་ཅན་གྱི་ཁམས་སོ། །གལ་ཏེ་སེམས་ཅན་གྱི་ཁམས་སེམས་ཅན་ཁམས་སུ་གྱུར་ན་ནི། སྲོག་དེ་ལུས
14b6 དེ་ཡིན་པར་འགྱུར་རོ། །ཅི་སྟེ་སེམས་ཅན་གྱི་ཁམས་ལས་རྣམ་པར་གྲོལ་བ་ཁམས་སུ་གྱུར་ན་ནི། སྲོག་ཀྱང་གཞན། ལུས་ཀྱང་གཞན་དུ་འགྱུར་རོ། །ཁམས་མེད་པ་ནི། སེམས་ཅན་གྱི་ཁམས
14b7 ཏེ|་བརྡས་ཐ་སྙད་དུ་གདགས་པའི་ཚིག་ཏུ་འགྲོའོ། །སེམས་ཅན་གྱི་ཁམས་ལ་ནི། ཁམས་མེད་དེ། ཁམས་མ་གཏོགས་པར་སེམས་ཅན་གྱི་ཁམས་མེད་དོ། །ཆོས་ཐམས་ཅད་ནི། ཁམས་མེད
iiif viewer powered by OpenSeadragon
