| e-texts navigator |
| Wylie |
14a1 བྱང་ཆུབ་ནི། སེམས་ཅན་གྱིས་བཏགས་པ་མ་ཡིན་གྱི། སེམས་ཅན་མེད་པར་ཁོང་དུ་ཆུད་པ་ནི། བྱང་ཆུབ་ཅེས་བྱའོ། །བྱང་ཆུབ་སེམས་ཅན་མ་ཡིན་པར་གང་གིས་ཤེས
14a2 པ་དེ་བྱང་ཆུབ་སེམས་དཔའ་ཞེས་བྱའོ། །དེ་ཅིའི་ཕྱིར་ཞེ་ན། རབ་ཀྱི་རྩལ་གྱིས་རྣམ་པར་གནོན་པ། བྱང་ཆུབ་སེམས་དཔའ་ནི། སེམས་ཅན་གྱི་འདུ་ཤེས་ཀྱིས་བསྐྱེད་པ་མ་ཡིན་གྱི། སེམས
14a3 ཅན་གྱི་འདུ་ཤེས་རྣམ་པར་འཇིག་པའི་ཕྱིར་བྱང་ཆུབ་སེམས་དཔའ་ཞེས་བྱ་སྟེ། ཇི་སྐད་དུ་བརྗོད་པ་བཞིན་དུ་ནི་མ་ཡིན་ནོ། །དེ་ཅིའི་ཕྱིར་ཞེ་ན། བྱང་ཆུབ་སེམས་དཔའ་ནི། བརྗོད་པར་བྱ་བ་མ
14a4 ཡིན་ཞིང་། བྱང་ཆུབ་སེམས་དཔའ་ནི། སེམས་ཅན་གྱི་རང་བཞིན་དང་བྲལ་བའི་ཕྱིར་རོ། །བྱང་ཆུབ་ནི། སེམས་ཅན་དུ་འདུ་ཤེས་པ་དང་བྲལ་བ་སྟེ། གང་གིས་བྱང་ཆུབ་འདི་ལྟར་ཤེས
14a5 པ་དེ་བྱང་ཆུབ་སེམས་དཔའ་ཞེས་བྱའོ། །བྱང་ཆུབ་ཇི་ལྟ་བུར་ཤེས་ཤེ་ན། བྱང་ཆུབ་འདི་ནི། ཤིན་ཏུ་འདས་པའོ། །བྱང་ཆུབ་འདི་ནི། བྱ་བ་མ་ཡིན་པའོ། །བྱང་ཆུབ་འདི་ནི། སྐྱེ་བ་མེད་པ
14a6 འགོག་པ་མེད་པའོ། །བྱང་ཆུབ་ནི། བྱང་ཆུབ་ཀྱིས་ཤེས་པར་མི་བྱེད། བྱང་ཆུབ་ནི། རྣམ་པར་ཤེས་པ་བྱ་བ་མ་ཡིན། རྣམ་པར་རིག་པར་བྱ་བ་མ་ཡིན། གདགས་པར་བྱ་བ་མ་ཡིན་ཏེ།
14a7 མངོན་པར་མ་གྲུབ་པ་ནི། བྱང་ཆུབ་ཅེས་བྱའོ། །རྣམ་པར་མི་རྟོག་པ་དང་། རྟོག་པ་བཅད་པའི་ཕྱིར་གང་གིས་ཁོང་དུ་ཆུད་པ་དག་རབ་ཏུ་རྟོགས་པ་དེའི་ཕྱིར་བྱང་ཆུབ་སེམས་དཔའ་ཞེས་བྱ་སྟེ། འདི
iiif viewer powered by OpenSeadragon
