| e-texts navigator |
| Wylie |
13b1 བྱང་ཆུབ་འདི་མངོན་པར་རྫོགས་པར་འཚང་རྒྱ་བར་བྱའོ། །ཁོང་དུ་ཆུད་པ་མེད་པ་དང་། རབ་ཏུ་རྟོགས་པ་མེད་པས་རྗེས་སུ་རྟོགས་པ་ཞེས་བྱ་སྟེ། ཇི་སྐད་དུ་བརྗོད་པ་བཞིན་དུ་ནི་མ་ཡིན་ནོ། །ཆོས་ཐམས་ཅད
13b2 ནི|་ཁོང་དུ་ཆུད་པ་མ་ཡིན། རབ་ཏུ་རྟོགས་པ་མ་ཡིན་ཏེ། ཆོས་ནི། ཆོས་ཀྱི་ངོ་བོ་ཉིད་ཀྱིས་མེད་དོ། །དེ་ལྟར་ཁོང་དུ་ཆུད་པ་དེ་ནི། བྱང་ཆུབ་ཅེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ། དེ
13b3 བཞིན་གཤེགས་པས་ནི། བྱང་ཆུབ་མ་དམིགས་ཤིང་། དེ་བཞིན་གཤེགས་པས་ནི། བྱང་ཆུབ་རྣམ་པར་མ་རིག་སྟེ། བྱང་ཆུབ་ནི། རྣམ་པར་རིག་པར་བྱ་བ་མ་ཡིན། རབ་ཏུ་རྣམ་པར
13b4 རིག་པར་བྱ་བ་མ་ཡིན་ནོ། །དེ་བཞིན་གཤེགས་པས་ནི། བྱང་ཆུབ་མ་མཁྱེན་མ་བསྐྱེད་དེ། བྱང་ཆུབ་ནི། མ་སྐྱེས་ཤིང་མངོན་པར་མ་གྲུབ་བོ། །བྱང་ཆུབ་ནི། སུའི་ཡང་མ་ཡིན་ཞིང་། བྱང་ཆུབ
13b5 ལ་སེམས་ཅན་ནམ། སེམས་ཅན་དུ་གདགས་པ་གང་ཡང་མེད་དོ། །གང་ལ་སེམས་ཅན་ནམ། སེམས་ཅན་དུ་གདགས་པ་མེད་པ་དེ་ལ། འདི་ནི། བྱང་ཆུབ་སེམས་དཔའ། འདི་ནི། བྱང་ཆུབ་སེམས
13b6 དཔའི་ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་ཇི་ལྟར་བརྗོད། རབ་ཀྱི་རྩལ་གྱིས་རྣམ་པར་གནོན་པ། བྱང་ཆུབ་ལ་བྱང་ཆུབ་ཀྱང་མེད། བྱང་ཆུབ་ལ་སེམས་ཅན་ཡང་མེད་དེ། བྱང་ཆུབ་འདི་ནི། ཤིན
13b7 ཏུ་འདས་པའོ། །བྱང་ཆུབ་འདི་ནི། མ་སྐྱེས་པའོ། །བྱང་ཆུབ་འདི་ནི། མངོན་པར་མ་གྲུབ་པའོ། །བྱང་ཆུབ་འདི་ནི། མཚན་ཉིད་མེད་པ་སྟེ། འདི་ལ་སེམས་ཅན་མེད་ཅིང་མི་དམིགས་སོ། །
iiif viewer powered by OpenSeadragon
