| e-texts navigator |
| Wylie |
12b1 ཟད་པ་མེད་པའི་མཐའ་རྗེས་སུ་ཐོབ་བོ། །མཐའ་མེད་པ་ནི། མྱ་ངན་ལས་འདས་པའི་མཐའ་སྟེ། ཇི་སྐད་དུ་བརྗོད་པ་བཞིན་དུ་ནི་མ་ཡིན་ནོ། །ཆོས་ཐམས་ཅད་ནི། མྱ་ངན་ལས་འདས་པའི་མཐའ་སྟེ། མཐའ
12b2 མེད་པའོ། །མཐའ་ཐམས་ཅད་ཆད་པ་ནི། མྱ་ངན་ལས་འདས་པའི་མཐའ་ཞེས་བྱ་སྟེ། ཇི་སྐད་དུ་བརྗོད་པ་བཞིན་དུ་ནི་མ་ཡིན་ནོ། །མྱ་ངན་ལས་འདས་པའི་མཐའ་ནི། ཐ་སྙད་ཐམས་ཅད་ཆད་པ། བརྗོད་པར་བྱ
12b3 བ་མ་ཡིན་པ་སྟེ། རབ་ཀྱི་རྩལ་གྱིས་རྣམ་པར་གནོན་པ། མྱ་ངན་ལས་འདས་པའི་དབྱིངས་བསྟན་པ་འདི་ཡང་ཇི་སྐད་བསྟན་པ་བཞིན་དུ་ནི་མ་ཡིན་ནོ། །བསྟན་པ་ཐམས་ཅད་ལས་ཡང་དག་པར་འདས
12b4 པས་མྱ་ངན་ལས་འདས་པའི་དབྱིངས་ནི། བསྟན་དུ་མེད་དེ། བསྟན་པ་ཐམས་ཅད་རབ་ཏུ་ཆད་པ་དེ་ནི། མྱ་ངན་ལས་འདས་པའི་དབྱིངས་ཞེས་བྱའོ། །མྱ་ངན་ལས་འདས་པའི་དབྱིངས་ཞེས་བྱ་བ་གང
12b5 ཡིན་པ་དེ་ནི། འཇིག་རྟེན་ལས་འདས་པའི་ཤེས་རབ་ངེས་པར་རྟོགས་པ་བསྟན་པ་ལ་བྱའོ། །རབ་ཀྱི་རྩལ་གྱིས་རྣམ་པར་གནོན་པ། མྱ་ངན་ལས་འདས་པའི་དབྱིངས་དེ་ནི། ཡུལ་ན་མི་གནས།
12b6 ཕྱོགས་ན་མི་གནས་པ་ཞེས་བསྟན་ཏོ། །རབ་ཀྱི་རྩལ་གྱིས་རྣམ་པར་གནོན་པ། །དེ་ལ་ཤེས་རབ་ཀྱི་ཕ་རོལ་ཏུ་ཕྱིན་པ་གང་ཞེ་ན། རབ་ཀྱི་རྩལ་གྱིས་རྣམ་པར་གནོན་པ། ཤེས་རབ་ཀྱི་ཕ་རོལ་ཏུ་ཕྱིན
12b7 པ་ལ་ཚུ་རོལ་ལམ། ཕ་རོལ་གང་ཡང་མེད་དོ། །རབ་ཀྱི་རྩལ་གྱིས་རྣམ་པར་གནོན་པ། གལ་ཏེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་ཚུ་རོལ་ལམ། ཕ་རོལ་དམིགས་ན་ནི། དེ་བཞིན་གཤེགས་པས
iiif viewer powered by OpenSeadragon
