| e-texts navigator |
| Wylie |
12a1 དེའི་ཕྱིར་འགོག་པ་མངོན་སུམ་དུ་བྱས་པ་ཞེས་བྱའོ། །ཟང་བ་ཤེས་པ་ཞེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ། མི་ཤེས་པ་ཟད་པ་དེའི་ཕྱིར་ཟད་པ་ཤེས་པ
12a2 ཞེས་བྱའོ། །གང་གིས་ཟད་ཅེ་ན། མི་ཟད་པས་ཟད་དེ། དེའི་ཟད་པ་ཡང་མི་མཐོང་ངོ་། །རབ་ཀྱི་རྩལ་གྱིས་རྣམ་པར་གནོན་པ། མི་ཤེས་པ་མེད་པས་དེའི་ཕྱིར་དེ་ཟད་པ་ཤེས་པ་ཞེས་བྱའོ། །རབ
12a3 ཀྱི་རྩལ་གྱིས་རྣམ་པར་གནོན་པ། མི་ཤེས་པ་ཡོངས་སུ་ཤེས་པ་དེའི་ཕྱིར་མི་ཤེས་པ་ཟད་དེ། ཟད་པ་ཤེས་པ་ཞེས་བྱའོ། །མི་ཤེས་པ་ནི། ཟད་པའམ། མ་ཟད་པ་མ་ཡིན་ཏེ། འདི་ནི།
12a4 ཤེས་པ་དང་བྲལ་བའི་ཕྱིར་ཟད་པ་ཤེས་པ་ཞེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ། འདི་ནི། ཡང་དག་པ་ཇི་ལྟ་བ་བཞིན་དུ་ཡོངས་སུ་ཤེས་པ་སྟེ། དེའི་ཕྱིར་བྲལ་བ་ཞེས་བྱའོ། །མི
12a5 ཤེས་པ་དང་བྲལ་བ་དང་། ཤེས་པ་དང་བྲལ་བ་འདི་ལས་གཞན་ཅི་ཡང་མི་དམིགས་སོ། །ཡེ་ཤེས་ཉིད་ཀྱང་མི་དམིགས་ན། གང་ཟད་པ་ལས་རྣམ་པར་གྲོལ་བ་མི་ཤེས་པ་ལྟ་ཅི་སྨོས་ཏེ། དེའི
12a6 ཕྱིར་ཟད་པ་ཤེས་པ་ཞེས་བྱའོ། །ཇི་སྐད་བརྗོད་པ་བཞིན་དུ་མ་ཡིན་ནོ། །ཟད་པ་ཤེས་པ་གང་ཡིན་པ་དེ་ལ་ཐ་སྙད་དུ་གདགས་པ་གང་ཡང་མེད་མོད་ཀྱི། འོ་ན་ཀྱང་འདི་ལྟར་མི་ཤེས་པ་ཟད་པ་དང་།
12a7 ཟད་པ་ཤེས་པ་ཞེས་བསྟན་ཏོ། །རབ་ཀྱི་རྩལ་གྱིས་རྣམ་པར་གནོན་པ། གང་གིས་ཆོས་ཐམས་ཅད་མི་ཟད་པ་དང་། ཟད་པ་ཤེས་པ་ལ་བརྟགས་པ་ཁོང་དུ་ཆུད་པ་དེ་ཟད་པ་ཤེས་པ་དང་བྲལ་ཏེ།
iiif viewer powered by OpenSeadragon
