| e-texts navigator |
| Wylie |
122b1 དེ་དག་གི་ལོངས་སྤྱོད་དང་། བསྙེན་བཀུར་བྱ་བ་དང་། ཡོངས་སུ་སྤྱད་པའི་ཕྱིར་མངོན་པར་བྱུང་བས་དེ་དག་ནི། འཁོར་ལོས་བསྒྱུར་བའི་རྒྱལ་པོ་རྣམས་ཀྱིས་ཡོངས་སུ་སྤྱོད་པར་འགྱུར་རོ། །རབ་ཀྱི
122b2 རྩལ་གྱིས་རྣམ་པར་གནོན་པ། དེ་བཞིན་དུ་འདི་ལྟ་བུའི་ཆོས་ཀྱི་རྣམ་གྲངས་འདི་ནི། མི་ཅང་ཤེས་ཀྱི་སེམས་ཅན་རྣམས་ཀྱི་ལོངས་སྤྱོད་ཀྱི་ཕྱིར་ལག་ཏུ་འགྲོ་བར་འགྱུར་རོ། །རབ་ཀྱི་རྩལ་གྱིས་རྣམ
122b3 པར་གནོན་པ། འདི་ལྟ་སྟེ། དཔེར་ན། ཀླུའི་རྒྱལ་པོ་ཉེ་རྩི་དང་། ཀླུའི་རྒྱལ་པོ་རབ་གནས་དང་། ཀླུའི་རྒྱལ་པོ་ས་སྲུང་གི་བུ་དེ་དག་ནི། མི་རྣམས་ཀྱི་ལོངས་སྤྱོད་ཀྱི་ཕྱིར་ཉེ་བར་མི་འགྲོ་།མི་རྣམས་ཀྱིས
122b4 མཐོང་བར་ཉེ་བར་མི་འགྲོ་། དེ་དག་ནི། གཞན་གྱི་ཉེ་བར་སྤྱོད་པ་དང་། ལོངས་སྤྱོད་ཀྱི་ཕྱིར་ཉེ་བར་མི་འགྲོའོ། །ཀླུའི་རྒྱལ་པོ་དེ་དག་ནི། ལྷ་ཅང་ཤེས་རྣམས་ཀྱི་ལོངས་སྤྱོད་རྣམས་ཀྱི་ཕྱིར་ཉེ་བར་མི
122b5 འགྲོའོ|་|ཇི་ལྟ་ཇི་ལྟ་བུར་ལྷའི་དབང་པོ་བརྒྱ་བྱིན་བཀོད་པ་བྱས་ནས་འགྲོ་བ་ན་ཀླུའི་རྒྱལ་པོ་དེ་དག་ཀྱང་དེ་ལྟ་དེ་ལྟ་བུར་དེ་འདྲ་བའི་བཀོད་པ་བྱས་ནས་ལོངས་སྤྱོད་ཀྱི་ཕྱིར་ཡང་ཉེ་བར་འགྲོའོ། །རབ་ཀྱི
122b6 རྩལ་གྱིས་རྣམ་པར་གནོན་པ། དེ་བཞིན་དུ་ཆོས་ཀྱི་རྣམ་གྲངས་འདི་ནི། འདི་ལྟ་སྟེ། མིའི་དབང་པོ་དང་། མི་ཅང་ཤེས་རྣམས་ཀྱིས་བཀླག་པ་དང་། བཤད་པ་དང་། རབ་ཏུ་བསྟན་པའི་ཉེ་བར་སྤྱོད
122b7 པ་དང་། ལོངས་སྤྱོད་དུ་འགྱུར་ཏེ། ཆོས་ཀྱི་རྣམ་གྲངས་འདི་ནི། དེ་དག་གི་བཀོད་པ་ཆེན་པོ་དང་། རྒྱས་པ་ཆེན་པོ་དང་། ཆོས་ཀྱི་སྣང་བ་ཆེན་པོ་བྱེད་པར་འགྱུར། དེ་དག་ཆོས་ཀྱི་རྣམ་གྲངས་འདི་ལ
iiif viewer powered by OpenSeadragon
