| e-texts navigator |
| Wylie |
122a1 ཀྱི་བུའམ། རིགས་ཀྱི་བུ་མོ་གང་ཆོས་ཀྱི་རྣམ་གྲངས་འདི་འཛིན་པ་དང་། འཆང་བ་དང་། ཀློག་པ་དང་། གཞན་དག་ལ་ཡང་རྒྱ་ཆེར་ཡང་དག་བར་སྟོན་པ་དེ་དག་ནི།
122a2 བདུད་སྡིག་ཅན་རྣམས་ཀྱི་སྤྱོད་ཡུལ་དུ་མི་འགྱུར་ཏེ། རིགས་ཀྱི་བུ་དང་རིགས་ཀྱི་བུ་མོ་དེ་དག་ནི། བདུད་སྡིག་ཅན་རྣམས་ཀྱིས་མི་ཚུགས་པར་འགྱུར་རོ། །གང་དག་ཆོས་ཀྱི་རྣམ་གྲངས
122a3 འདི་འཛིན་པ་དང་། འཆང་བ་དང་། ཀློག་པ་དང་། གཞན་དག་ལ་ཡང་རྒྱ་ཆེར་ཡང་དག་པར་རབ་ཏུ་སྟོན་པ་དེ་དག་ནི། བདུད་དང་། ཕྱིར་རྒོལ་བ་ཆོམ་པར་འགྱུར། གཡུལ་ལས་རྒྱལ་བར
122a4 འགྱུར་རོ། །རབ་ཀྱི་རྩལ་གྱིས་རྣམ་པར་གནོན་པ། ཆོས་ཀྱི་རྣམ་གྲངས་འདི་ནི། ཀུན་ནས་ཉོན་མོངས་པ་ཅན་དང་། བདུད་ཀྱི་ཞགས་པས་བཅིངས་པའི་སེམས་ཅན་རྣམས་ཀྱི་ལག་ཏུ་འགྲོ
122a5 བར་མི་འགྱུར་ཏེ། རབ་ཀྱི་རྩལ་གྱིས་རྣམ་པར་གནོན་པ། འདི་ནི། ཅང་ཤེས་པ་རྣམས་ཀྱིས་ཡིན་གྱི། ཅང་ཤེས་པ་མ་ཡིན་པ་རྣམས་ཀྱིས་ནི། མ་ཡིན་ནོ། །རབ་ཀྱི་རྩལ་གྱིས་རྣམ་པར
122a6 གནོན་པ། འདི་ལྟ་སྟེ། དཔེར་ན། གླང་པོ་ཆེ་ཅང་ཤེས་དང་། རྟ་ཅང་ཤེས་གང་ཡིན་པ་དེ་དག་ནི། ཁམས་ཀྱི་རྒྱལ་པོ་རྣམས་ཀྱིས་ཡོངས་སུ་སྤྱོད་པར་མི་བྱེད་དོ། །དེ་དག་ནི། སྐྱེ་བོ་གཏུམ་པོ
122a7 རྣམས་ཀྱིས་མཐོང་བར་ཡང་མི་འགྲོའོ། །རབ་ཀྱི་རྩལ་གྱིས་རྣམ་པར་གནོན་པ། གླང་པོ་ཆེ་ཅང་ཤེས་དང་། རྟ་ཅང་ཤེས་དེ་ལྟ་བུ་ནི། འཁོར་ལོས་བསྒྱུར་བའི་རྒྱལ་པོས་མཐོང་བར་ཉེ་བར་འགྲོ་སྟེ
iiif viewer powered by OpenSeadragon
