| e-texts navigator |
| Wylie |
11a1 ཚིག་བླ་དྭགས་ཡིན་ཞེ་ན། དེ་ནི། འབྱུང་བ་དང་། ནུབ་པ་རབ་ཏུ་རྟོགས་པའི་ཚིག་བླ་དྭགས་སོ། །འབྱུང་བ་དང་། ནུབ་པ་གང་ཞེ་ན། ཀུན་འབྱུང་བའི་ཆོས་ཅི་ཡང
11a2 རུང་སྟེ|་དེ་ཐམས་ཅད་ནི། འགོག་པའི་ཆོས་ཏེ། འདི་ལྟར། ཀུན་འབྱུང་བ་དང་། ནུབ་པ་རབ་ཏུ་རྟོགས་སོ། །རབ་ཀྱི་རྩལ་གྱིས་རྣམ་པར་གནོན་པ། ཀུན་འབྱུང་བ་ཞེས་བྱ་བ་དེ་ནི། འབྱུང
11a3 བའི་ཚིག་བླ་དྭགས་སོ། །ནུབ་པ་ཞེས་བྱ་བ་དེ་ནི། འགོག་པའི་ཚིག་བླ་དྭགས་ཏེ། འབྱུང་བ་དང་། ནུབ་པ་ཞེས་ཇི་སྐད་དུ་བརྗོད་པ་དེ་བཞིན་དུ་ནི་མ་ཡིན་ནོ། །རབ་ཀྱི་རྩལ་གྱིས་རྣམ་པར་གནོན་པ།
11a4 ཀུན་འབྱུང་བ་གང་ཅི་ཡང་རུང་སྟེ། དེ་ནི། ཀུན་འབྱུང་བའི་ཆོས་མ་ཡིན་ནོ། །རབ་ཀྱི་རྩལ་གྱིས་རྣམ་པར་གནོན་པ། མཉམ་པ་ལ་འབྱུང་བ་གང་ཡང་མེད་དེ། དེ་ནི། ཀུན་འབྱུང་བར་མི་འགྱུར་རོ། །
11a5 དེ་མཉམ་པ་ཉིད་ཀྱི་རྗེས་སུ་སོང་སྟེ། དེའི་ཕྱིར་ཀུན་འབྱུང་བ་ཞེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ། མཉམ་པའི་རྗེས་སུ་སོང་བ་ཞེས་བྱ་བ་ནི། འདི་ལ་འབྱུང་བ་གང་ཡང་མེད་དེ། ཀུན
11a6 འབྱུང་བར་མི་འགྱུར་རོ། །དེའི་རང་བཞིན་དེ་ནི། རང་གི་ངང་གིས་འཇིག་ཅིང་། དེ་ནི། འགོག་པ་སྟེ། དེ་ལ་ནི། འགོག་པ་གང་ཡང་མེད་དོ། །སྙམ་པ་ནི། བླ་ན་མེད་པའི་འགོག་པ་སྟེ། གང་ལ་སྐྱེ་བ
11a7 མེད་པ་དེ་ལ་འགོག་པ་མེད་དེ། དེ་ནི། འགོག་པའོ། །རབ་ཀྱི་རྩལ་གྱིས་རྣམ་པར་གནོན་པ། དེ་ལྟར་སྐྱེ་བ་མེད་ཅིང་འགོག་པ་མེད་པའི་ཕྱིར་གང་འབྱུང་བ་དང་། ནུབ་པ་རྟོགས་པ་དེ་ནུབ་པ་རབ་ཏུ
iiif viewer powered by OpenSeadragon
