| e-texts navigator |
| Wylie |
10b1 ཞེས་བྱ་བ་དེ་ནི། མ་རིག་པ་ཉེ་བར་ཞི་བའི་ཚིག་བླ་དྭགས་སོ། །མ་རིག་པ་ཡོངས་སུ་ཤེས་པ་ཞེས་བྱ་བ་དེ་ནི། སྡུག་བསྔལ་གྱི་ཕུང་པོ་ཉེ་བར་ཞི་བའི་ཚིག་བླ་དྭགས་སོ། །རབ་ཀྱི་རྩལ་གྱིས་རྣམ་པར་གནོན་པ།
10b2 འདི་ལྟ་སྟེ། དཔེར་ན། སྨན་པ་མཁས་པ། གསལ་བ། ཡིད་རྣོ་བ། ལྷག་པར་རྟོགས་པ་དང་ལྡན་པ། སྨན་ཐམས་ཅད་ལ་མཁས་པ། ནད་ལྡང་བ་ཐམས་ཅད་ལ་མཁས་པ། སྡུག་བསྔལ་ཐམས
10b3 ཅད་ལས་རྣམ་པར་འགྲེལ་བ། དེས་ནད་པ་གང་དང་གང་ལ་གསོ་བ་བྱས་པ་དེ་དང་དེ་འཚོའོ། །དེ་ཅིའི་ཕྱིར་ཞེ་ན། འདི་ལྟ་སྟེ། དེ་སྨན་ཐམས་ཅད་ལ་མཁས་ཤིང་ནད་ལྡང་བ་ཐམས་ཅད་ལ་མཁས་ཏེ། ནད
10b4 ཐམས་ཅད་ལས་ཐར་པར་བྱེད་པའི་ཕྱིར་རོ། །རབ་ཀྱི་རྩལ་གྱིས་རྣམ་པར་གནོན་པ། དེ་བཞིན་དུ་རིག་པ་གསུམ་པོས་ནི། མ་རིག་པ་ཐམས་ཅད་ཉེ་བར་ཞི་བར་འགྱུར། སྡུག་བསྔལ་ཐམས་ཅད་འཇོམས
10b5 པར་འགྱུར། རྒ་ཤི་དང་། མྱ་ངན་དང་། སྨྲེ་སྔགས་འདོན་པ་དང་། སྡུག་བསྔལ་དང་། ཡིད་མི་བདེ་བ་དང་འཁྲུག་པ་ཐམས་ཅད་ཉེ་བར་ཞི་བར་འགྱུར་ཏེ། རབ་ཀྱི་རྩལ་གྱིས་རྣམ་པར་གནོན་པ། དེ་ནི།
10b6 འཇིག་རྟེན་ལས་འདས་པའི་ཤེས་རབ་ངེས་པར་རྟོགས་པར་འགྲོ་བ་ཞེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ། ངས་འདི་ལ་དགོངས་ནས། སྲིད་པར་སྐྱེ་བ་ཡོངས་སུ་ཟད་པར། །གང་གིས་ཡང་དག
10b7 རབ་ཤེས་པ། །གང་རྣམས་རྟོགས་པར་འགྲོ་བ་དེ། །འཇིག་རྟེན་ན་ནི་ཤེས་རབ་མཆོག་།ཅེས་བཤད་དོ། །རབ་ཀྱི་རྩལ་གྱིས་རྣམ་པར་གནོན་པ། སྲིད་པར་སྐྱེ་བ་ཡོངས་སུ་ཟད་པ་ཞེས་བྱ་བ་གང་གི
iiif viewer powered by OpenSeadragon
