| e-texts navigator |
| Wylie |
457b1 དེ་བཞིན་དུ་ལག་ན་རལ་གྲི་ཐོགས་པ་འོངས་པ་ཞེས་བྱ་བ་ནས། བཤད་པར་མི་བྱའོ་ཞེས་བྱ་བའི་བར་གོང་མ་ཇི་ལྟ་བ་བཞིན་དུའོ། །དེ་བཞིན་དུ་གོ་ཆ་སྣ་ལྔ་གྱོན་པ་དག་འོངས་པ་ནས། བཅོམ་ལྡན་འདས་ཀྱིས
457b2 བཀའ་སྩལ་པ། མི་ན་བར་ལག་ན་མཚོན་ཆ་ཐོགས་པ་ལ་ཆོས་བཤད་པར་མི་བྱ་སྟེ། ལག་ན་གདུགས་ཐོགས་པ་ལ་མ་ཡིན་པ་དང་། ལག་ན་འཁར་བ་ཐོགས་པ་ལ་མ་ཡིན་པ་དང་། ལག་ན་རལ་གྲི
457b3 ཐོགས་པ་ལ་མ་ཡིན་པ་དང་། ལག་ན་དགྲ་ཆ་ཐོགས་པ་ལ་མ་ཡིན་པ་དང་། མི་ན་བར་གོ་ཆ་སྣ་ལྔ་གྱོན་པ་ལ་ཆོས་མི་བཤད་པར་བསླབ་པར་བྱའོ། །ཞེས་བྱ་བའི་བར་རོ། །དེ་ནས་བཅུ་གཉིས་སྡེ་དག
457b4 འགྲེང་སྟེ་བཤང་གཅི་བྱེད་པ་དང་ཞེས་བྱ་བ་ནས། མི་བྱའོ་ཞེས་བྱ་བའི་བར་རོ། །ནད་པར་གྱུར་ཏེ་འདུག་མི་ནུས་པ་ནས། བཅོམ་ལྡན་འདས་ཀྱིས་བཀའ་སྩལ་པ། ནད་པ་ཡིན་ན་རྗེས་སུ་གནང་ངོ་། །དེ
457b5 ནས་སྦོམ་དགའ་མོ་སེར་སྐྱའི་གཞིར་འོངས་པ་ན། རང་གི་ཀུན་དགའ་ར་བ་སྲུང་བ་མཐོང་ནས། དེ་ནས་འདི་སྐད་ཅེས་སྨྲས་སོ། །གང་གི་ཚེ་ཁོ་མོ་རབ་ཏུ་བྱུང་བར་མ་གྱུར་ན། ཁོ་མོ་ཁྱོད་ཀྱི་ཅིར་འགྱུར།
457b6 དེས་འདི་སྐད་ཅེས་སྨྲས་སོ། །ཇོ་མོར་འགྱུར་རོ། །སྦོམ་དགའ་མོས་འདི་སྐད་ཅེས་སྨྲས་སོ། །ད་ཁྱོད་ཅིའི་ཕྱིར་ཁོ་མོ་ལ་ཚོད་སྔོན་དང་། མེ་ཏོག་གི་མཁོ་བས་མི་སྟོབས། ཀུན་དགའ་ར་བ་སྲུང་བས་ཀྱང
457b7 འདི་སྐད་ཅེས་སྨྲས་སོ། །དེའི་ཚེ་ཁྱོད་ཀྱིས་བདག་ལ་ཟས་དང་གོས་ཀྱི་མཁོ་བར་སྦྱར་བ་ན་ནི། ཁོ་བོས་ཀྱང་ཁྱོད་ལ་བསྙེན་བཀུར་བྱས་སོ། །ད་ནི་ཁྱོད་རབ་ཏུ་བྱུང་ལ། ཁོ་བོ་ནི་ཁྱིམ་པ་ཡིན་ན་ཁྱོད་ལ
iiif viewer powered by OpenSeadragon
