| e-texts navigator |
| Wylie |
456b1 ནས་ཆོས་བཤད་པར་མི་བྱའོ་ཞེས་བྱ་བའི་བར་རོ། །ཇི་ཙམ་ན་ནད་པར་གྱུར་པ་ནས། བཅོམ་ལྡན་འདས་ཀྱིས་བཀའ་སྩལ་པ། བཤད་པར་བྱའོ་ཞེས་བྱ་བའི་བར་རོ། །ལྷམ་མཐོན་པོ་གྱོན་པའི་བར
456b2 དག་ལ་ཆོས་འཆད་པར་བྱེད་པ་ནས། བཅོམ་ལྡན་འདས་ཀྱིས་བཀའ་སྩལ་པ། མི་ན་བར་གླང་པོ་ཆེ་ཞོན་པ་ལ་ཆོས་བཤད་པར་མི་བྱ་སྟེ། རྟ་ཞོན་པ་ལ་མ་ཡིན་པ་དང་། ཤིང་རྟར་ཞུགས་པ
456b3 ལ་མ་ཡིན་པ་དང་། མི་ལ་ཞོན་པ་ལ་མ་ཡིན་པ་དང་། མི་ན་བར་ལྷམ་མཐོན་པོ་གྱོན་པ་ལ་ཆོས་མི་བཤད་པར་བསླབ་པར་བྱའོ་ཞེས་བྱ་བའི་བར་རོ། །དེ་ནས་བཅུ་གཉིས་སྡེ་དག་སྐྲ་དོ་ཀེར་ཅན
456b4 ལ་ཆོས་འཆད་པར་བྱེད་པ་ནས། བཅོམ་ལྡན་འདས་ཀྱིས་བཀའ་སྩལ་པ། བཤད་པར་མི་བྱའོ་ཞེས་བྱ་བའི་བར་རོ། །རྒྱལ་པོ་འོངས་པ་ནས། བཅོམ་ལྡན་འདས་ཀྱིས་བཀའ་སྩལ་པ། བཤད
456b5 པར་བྱའོ་ཞེས་བྱ་བའི་བར་རོ། །དེ་བཞིན་དུ་མགོ་དཀྲིས་པ་དག་འོངས་པ་ནས། བཅོམ་ལྡན་འདས་ཀྱིས་བཀའ་སྩལ་པ། བཤད་པར་མི་བྱའོ་ཞེས་བྱ་བའི་བར་རོ། །ཇི་ཙམ་ན་བློན་པོ་ཆེན་པོའམ
456b6 ནད་པ་དག་འོངས་པ་ནས། བཅོམ་ལྡན་འདས་ཀྱིས་བཀའ་སྩལ་པ། བཤད་པར་བྱའོ་ཞེས་བྱ་བའི་བར་རོ། །དེ་བཞིན་དུ་མགོ་ཕྲེང་བས་བཅིངས་པ་དག་འོངས་པ་ནས་བཤད་པར་མི་བྱའོ་ཞེས་བྱ
456b7 བ་ནས། བཅོམ་ལྡན་འདས་ཀྱིས་བཀའ་སྩལ་པ། ནད་པ་ལ་བཤད་པར་བྱའོ་ཞེས་བྱ་བའི་བར་རོ། །དེ་བཞིན་དུ་མགོ་ཅོད་པན་གྱིས་བཅིངས་པ་དག་འོངས་པ་ནས་བཤད་པར་མི་བྱའོ་ཞེས་བྱ
iiif viewer powered by OpenSeadragon
