| e-texts navigator |
| Wylie |
456a1 སྩལ་པ། མི་ན་བ་ལ་ཆོས་བཤད་པར་མི་བྱའོ་ཞེས་བྱ་བའི་བར་རོ། །གཉའ་གོང་དུ་བསྣོལ་བའི་བར་དག་ལ་ཆོས་འཆད་པར་བྱེད་པ་ན། བཅོམ་ལྡན་འདས་ཀྱིས་བཀའ
456a2 སྩལ་པ། བཤད་པར་མི་བྱའོ་ཞེས་བྱ་བའི་བར་རོ། །ཇི་ཙམ་ན་གཉའ་གོང་དུ་བསྣོལ་བའི་བར་དག་འོངས་པ་ནས། བཅོམ་ལྡན་འདས་ཀྱིས་བཀའ་སྩལ་པ། མི་ན་བར་མགོ་གཡོགས་པ་ལ་ཆོས
456a3 བཤད་པར་མི་བྱ་སྟེ། བརྫེས་པ་ལ་མ་ཡིན་པ་དང་། གཟར་བ་ལ་མ་ཡིན་པ་དང་། ཕྲག་པ་གཉིས་ཀ་ལ་གཟར་བ་མ་ཡིན་པ་དང་། མི་ན་བར་གཉའ་གོང་དུ་བསྣོལ་བ་ལ་ཆོས་མི་བཤད་པར་བསླབ
456a4 པར་བྱའོ་ཞེས་བྱ་བའི་བར་རོ། །དེ་ནས་བཅུ་གཉིས་སྡེ་དག་གླང་པོ་ཆེ་ཞོན་པ་ལ་ཆོས་འཆད་པར་བྱེད་པ་ནས། བཅོམ་ལྡན་འདས་ཀྱིས་བཀའ་སྩལ་པ། བཤད་པར་མི་བྱ་བའི་བར་རོ། །དེ
456a5 ནས་གླང་པོ་ཆེ་ཞོན་པ་དག་གཡུལ་དུ་ཆས་ནས། དེ་དག་ལ་འདི་སྐད་ཅེས་སྨྲས་སོ། །འཕགས་མ་ཆོས་བཤད་དུ་གསོལ། དེ་དག་གིས་འདི་སྐད་ཅེས་སྨྲས་སོ། །བོབས་ཤིག་དང་། ཆོས
456a6 བཤད་དོ། །དེ་དག་གིས་འདི་སྐད་ཅེས་བདག་ཅག་འགུམ་པར་བགྱིད་པ་ཕས་ཀྱི་རྒོལ་བ་དག་རྟིང་ལ་ཐུག་ལགས་སོ་ཞེས་སྨྲས་པ་ནས། བཅོམ་ལྡན་འདས་ཀྱིས་བཀའ་སྩལ་པ། ནད་པ་ཡིན
456a7 ནོ་ཞེས་བྱ་སྟེ། བཤད་པར་བྱའོ་ཞེས་བྱ་བའི་བར་རོ། །དེ་བཞིན་དུ་རྟ་ཞོན་པ་དང་། ཤིང་རྟར་ཞུགས་པ་ལ་ཡང་བརྗོད་པར་བྱའོ། །དེ་ནས་མིའི་ཕྲག་པ་དང་། མགོ་ལ་ཞོན་ཞིང་འགྲོ་བ
iiif viewer powered by OpenSeadragon
