| e-texts navigator |
| Wylie |
455a1 བྱ་བའི་བར་རོ། །དེ་བཞིན་དུ་ལྷུང་བཟེད་ཀྱི་སྣོད་དུ་འཇུག་པ་བྱེད་པ་ནས། བཅོམ་ལྡན་འདས་ཀྱིས་བཀའ་སྩལ་པ། འགྲེང་སྟེ་ལྷུང་བཟེད་ཀྱི་སྣོད་དུ་གཞུག་པར་མི་བྱའོ་ཞེས་བྱ
455a2 བའི་བར་རོ། །དེ་བཞིན་དུ་ལྷུང་བཟེད་ཀྱི་སྣོད་ནས་འབྱིན་པར་བྱེད་པ་ནས། བཅོམ་ལྡན་འདས་ཀྱིས་བཀའ་སྩལ་པ། འགྲེང་སྟེ་ལྷུང་བཟེད་པ་བཀྲུ་བ་དང་། བསྐམ་པ་དང་། འཕྱི་བ་དང་། ལྷུང
455a3 བཟེད་ཀྱི་སྣོད་དུ་བཞུས་པ་དང་། དབྱུང་བ་མི་བྱ་བར་བསླབ་པར་བྱའོ་ཞེས་བྱ་བའི་བར་རོ། །སྡོམ་ལ། འགྲེང་སྟེ་མ་ཡིན་མགོ་གཡོགས་མིན། །གླང་ཆེན་དོ་ཀེར་ལག་ན་མིན། །རྩཝ་དང་ཆུ་ལ
455a4 བཤང་མི་བྱ། །ཤིང་ལ་མི་གང་ཙམ་མ་ཡིན། །དེ་ནས་བཅུ་གཉིས་སྡེ་དག་འགྲེང་ནས་འཇུག་པ་ལ་ཆོས་འཆད་པར་བྱེད་པ་ནས། བཅོམ་ལྡན་འདས་ཀྱིས་བཀའ་སྩལ་པ། བཤད་པར་མི
455a5 བྱའོ་ཞེས་བྱ་བའི་བར་རོ། །ཇི་ཙམ་ན་ནད་པ་དག་འོངས་ནས། བཅོམ་ལྡན་འདས་ཀྱིས་བཀའ་སྩལ་པ། ནད་པ་ལ་ཆོས་བཤད་པར་བྱའོ་ཞེས་བྱ་བའི་བར་རོ། །དེ་བཞིན་དུ་འདུག་པ་དང་། ཉལ
455a6 བ་ལ་ཡང་འཆད་པར་བྱེད་པ་ནས། བཅོམ་ལྡན་འདས་ཀྱིས་བཀའ་སྩལ་པ། མི་ན་བ་ལ་ཆོས་བཤད་པར་མི་བྱའོ་ཞེས་བྱ་བའི་བར་རོ། །དེ་བཞིན་དུ་སྟན་དམའ་བ་ལ་འདུག་ནས། སྟན་མཐོན
455a7 པོ་ལ་འདུག་པ་ལ་ཆོས་འཆད་པར་བྱེད་པ་ནས། བཅོམ་ལྡན་འདས་ཀྱིས་བཀའ་སྩལ་པ། མི་ན་བ་ལ་ཆོས་བཤད་པར་མི་བྱའོ་ཞེས་བྱ་བའི་བར་རོ། །དེ་དག་གི་མདུན་དུ་འགྲོ་བ་ལ་དེའི་ཕྱི་བཞིན
iiif viewer powered by OpenSeadragon
