| e-texts navigator |
| Wylie |
3b1 རྣམས་ནི་མ་མཐོང་ན། །རྟག་ཏུ་བདེ་བ་ཉིད་དུ་འགྱུར། །ཚུལ་ཁྲིམས་ལྡན་པ་མཐོང་བ་བདེ། །མང་དུ་ཐོས་པ་མཐོང་བ་བདེ། །ཡང་སྲིད་རྣམ་པར་གྲོལ་བ་ཡི། །དགྲ་བཅོམ་པ་དག་མཐོང་བ་བདེ། །འཇུག་ངོགས
3b2 བདེ་བའི་ཆུ་ཀླུང་བདེ། །ཆོས་ལ་གོམས་པའི་སྐྱེ་བོ་བདེ། །ཤེས་རབ་ཐོབ་པར་གྱུར་པ་བདེ། །ང་འོང་རྒྱལ་ཟད་པ་བདེ། །ངེས་པར་བྱས་ཤིང་དབང་པོ་ཐུལ་བ་དག་།དགོན་པ་ཞི་བ་རྣམས་སུ་རྒས་གྱུར་དང་། །
3b3 མང་དུ་ཐོས་པ་ནགས་ཀྱི་ནང་དག་ཏུ། །ལང་ཚོ་ཡོལ་བ་རྣམས་ཀྱི་གནས་པ་བདེ། །འཕགས་མ་དག་།སོ་ག་རྣམས་ཀྱི་འདས་པ་དང་ལྷག་མ་ཇི་ཙམ་པ་དེ་ཙམ་མོ། །འཕགས་མ་དག་།རྒ་བ་དང་། ན་བ་དང་།
3b4 འཆི་བ་མངོན་པར་འོང་ཞིང་སྟོན་པའི་བསྟན་པ་ཡང་འཇིག་པར་འགྱུར། །ཆོས་ཀྱི་རི་རབ་ཀྱང་འཇིག་པར་འགྱུར། ཆོས་ཀྱི་ཤིང་ལྗོན་པའང་འཆག་པར་འགྱུར། ཆོས་ཀྱི་འཁོར་ལོའང་ཉམས་པར་འགྱུར།
3b5 ཆོས་ཀྱི་སྒྲོན་མའང་འཆི་བར་འགྱུར། ཆོས་ཀྱི་རྒྱ་མཚོ་འང་བསྐམ་པར་འགྱུར་ལ། མ་རིག་པའི་མུན་གནག་ནི་མཐུ་ཆེ་བར་འགྱུར། སྒྲུབ་པར་བྱེད་པ་ནི་ཡོངས་སུ་ཉམས་པར་འགྱུར་ཏེ། སྒྲུབ་པ་པོ་དག་མེད་ན
3b6 ཡུན་མི་རིང་བར་འཇིག་རྟེན་འདི་ན་སྣང་བ་མེད་པར་འགྱུར་བས་དེའི་ཕྱིར། འཕགས་མ་དག་བག་ཡོད་པས་རྣལ་འབྱོར་དུ་བྱའོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས
3b7 རྣམས་ཀྱི་བྱང་ཆུབ་དང་། གཞན་ཡང་གང་དག་དེ་ལྟ་བུ་དང་མཐུན་པའི་དགེ་བའི་ཆོས་བྱང་ཆུབ་ཀྱི་ཕྱོགས་ཀྱི་ཆོས་རྣམས་ཀྱང་བག་ཡོད་པས་འཐོབ་བོ། །བཅོམ་ལྡན་འདས་ཀྱི་ཉན་ཐོས་ཀྱི་དགེ་འདུན་ནི
iiif viewer powered by OpenSeadragon
