| e-texts navigator |
| Wylie |
37a1 མོ་དག་སྐྱེ་བ་ཡིན་ནོ། །དེ་དེ་ལྟར་ལྷ་བརྒྱ་སྟོང་ལ་གསོལ་བ་འདེབས་པ་ལྷུར་ལེན་ཅིང་འདུག་པ་ལས། བུ་ཡང་མེད། བུ་མོ་ཡང་མེད་ནས། དེ་སྟེང་གི་ཁང་བཟང་གི་སྟེང་དུ་སོང་སྟེ། ལག
37a2 པ་ལ་འགྲམ་པ་གཏད་ནས། བདག་གི་ཁྱིམ་གྱི་འབྱོར་པ་རྒྱ་ཆེན་པོ་འདི་ལྟ་བུ་ནི་བུ་མེད་པའི་བླར་བཞེས་པར་འོང་ངོ་ཞེས་སེམས་ཁོང་དུ་ཆུད་ཅིང་འདུག་གོ་།དེ་ནས་དེའི་དྲུང་དུ་ཉེ་དུ་རྣམས་ལྷགས་ཏེ། འདི
37a3 སྐད་ཅེས་སྨྲས་སོ། །ནྱ་གྲོ་དྷ་ཁྱོད་ཅིའི་ཕྱིར་ཡིད་མི་བདེ་ཞིང་འདུག་།དེས་སྐབས་དེ་ཉེ་དུ་རྣམས་ལ་རྒྱ་ཆེར་སྨྲས་པ་དང་། དེ་དག་གིས་འདི་སྐད་ཅེས་སྨྲས་སོ། །ལྷ་རྣམས་དང་། འཇུག་ངོགས་དག་ལ་སྟེན
37a4 ཅིག|་དེས་འདི་སྐད་ཅེས་སྨྲས་སོ། །སྔར་ལྷའམ། འཇུག་ངོགས་གང་ལ་མ་བསྟེན་པ་དེ་ཡང་མེད་ན། འོན་ཀྱང་བདག་ལ་བུའམ་བུ་མོ་གང་ཡང་མེད་དོ། །དེ་ནས་བྲམ་ཟེ་ཤིང་སཱ་ལ་ཆེན་པོ་ལྟ་བུ་ནྱ་གྲོ
37a5 དྷའི་མ་འོངས་ནས། འདི་སྐད་ཅེས་སྨྲས་སོ། །བུ་ནྱ་གྲོ་དྷ་ཁྱོད་ཇི་སྟེ་ཡིད་མི་བདེ། དེས་འདི་སྐད་ཅེས་སྨྲས་སོ། །ཡུམ་ཅི། བདག་གི་ཡིད་མི་བདེ་བ་ཆུང་ངམ། བདག་གི་ཁྱིམ་གྱི་ཡོ་བྱད་རྒྱ་ཆེན་པོ་འདི་ལྟ
37a6 བུ|་བུ་མེད་པའི་ཕྱིར་བླར་བཞེས་པར་འགྱུར་རོ། །བྲམ་ཟེ་ཤིང་སཱ་ལ་ཆེན་པོ་ལྟ་བུ་ནྱ་གྲོ་དྷའི་སྐྱེད་མོས་ཚལ་ན། ལྗོན་ཤིང་ནྱ་གྲོ་དྷ་ཆེན་པོ་ཡལ་ག་དང་། མགོ་ལྕོགས་དང་། འདབ་མ་དང་། ལོ་མ
37a7 ཕུན་སུམ་ཚོགས་ཤིང་། འདབ་མ་རྒྱ་ཆེ་ལ་ཡལ་ག་གཡུར་ཟ་བ་ཞིག་ཡོད་དེ། དེའི་མིང་གིས་གྲོང་ཁྱེར་ནྱ་གྲོ་དྷ་ཅན་ཞེས་བྱ་བར་ཤེས་སོ། །མས་དེ་ལ་སྨྲས་པ། བུ་ཁྱོད་ཀྱི་ཕ་ཡང་བུ
iiif viewer powered by OpenSeadragon
