| e-texts navigator |
| Wylie |
35b1 འདུལ་བའི་གཙོ་དང་ཆགས་བྲལ་ཆོས། །རྡུལ་དང་བྲལ་བའི་ཚོགས་ལ་ཕྱག་འཚལ་ཏེ། །དགེ་སློང་མ་ཡི་སོ་སོར་ཐར། །རྣམ་འབྱེད་ཧ་ཅང་བསྡུས་པ་དང་། །རྒྱས་པ་མ་ཡིན་བརྗོད་པར་བྱས། །འདུལ
35b2 བ་དེ་ནི་ང་ལས་ཉོན། །བསྐལ་པ་བྱེ་བ་རྣམས་སུ་ཡང་། །འདུལ་བ་ཐོས་པར་འགྱུར་བ་དང་། །གཟུང་དང་འཛིན་པ་རྙེད་དཀའ་སྟེ། །སྒྲུབ་པའང་ཤིན་ཏུ་རྙེད་པར་དཀའ། །སངས་རྒྱས་རྣམས་ནི་འབྱུང་བ
35b3 བདེ|་|ཆོས་བསྟན་པ་ཡང་བདེ་བ་ཡིན། །དགེ་འདུན་མཐུན་པ་བདེ་བ་སྟེ། །མཐུན་པ་རྣམས་ཀྱི་དཀའ་ཐུབ་བདེ། །ཆོས་ཐོས་པ་དང་མཐོང་བ་ཡིས། །དབེན་པར་དགའ་བ་བདེ་བ་ཡིན། །འཇིག་རྟེན
35b4 སྲོག་ཆགས་འབྱུང་པོ་ལ། །མི་འཚེ་ཡང་དག་སྡོམ་པ་བདེ། །འཇིག་རྟེན་འདོད་ཆགས་བྲལ་བ་དང་། །འདོད་པ་རྣམས་ལས་རྒྱལ་བ་བདེ། །ང་འོ་ང་རྒྱལ་དུལ་བ་གང་། །དེ་ནི་མཆོག་ཏུ་བདེ་བ་ཡིན། །
35b5 ཚུལ་ཁྲིམས་ལྡན་པ་མཐོང་བ་བདེ། །མང་དུ་ཐོས་པ་མཐོང་བ་བདེ། །ཡང་སྲིད་རྣམ་པར་གྲོལ་བ་ཡི། །དགྲ་བཅོམ་པ་དག་མཐོང་བ་བདེ། །འཕགས་པ་རྣམས་ནི་མཐོང་བ་བདེ། །དམ་པ་རྣམས
35b6 དང་འགྲོགས་པ་བདེ། །བྱིས་པ་རྣམས་ནི་མ་མཐོང་ན། །རྟག་ཏུ་བདེ་བ་ཉིད་དུ་འགྱུར། །འཇུག་ངོགས་བདེ་བའི་ཆུ་ཀླུང་བདེ། །ཆོས་ལ་གོམས་པའི་སྐྱེ་བོ་བདེ། །ཤེས་རབ་ཐོབ་པར་གྱུར་པ་བདེ། །
35b7 ངའོ་ང་རྒྱལ་ཟད་པ་བདེ། །འཇིག་རྟེན་དགེ་སྦྱོང་འཛིན་པ་བདེ། །དེ་བཞིན་བྲམ་ཟེ་འཛིན་པ་བདེ། །འཇིག་རྟེན་ན་ནི་ཕར་འཛིན་བདེ། །དེ་བཞིན་མར་འཛིན་ཉིད་ཀྱང་བདེ། །ངེས་པར་བྱས་ཤིང
iiif viewer powered by OpenSeadragon
