| e-texts navigator |
| Wylie |
17b1 སློང་མ་ལ་གོས་བྱིན་ནས་དེའི་འོག་ཏུ་ཁྲོས་འཁྲུགས་རྔམ་པར་གྱུར་ཏེ། ཡི་མ་རངས་ནས་འཕྲོག་གམ། འཕྲོག་ཏུ་འཇུག་ཅིང་། དེ་ལ་འདི་སྐད་ཅེས་དགེ་སློང་མ་ཁྱོད་ལ་གོས་མི་སྦྱིན་གྱི། ཕྱིར་བྱིན་ཅིག་ཅེས
17b2 ཟེར་ན། དགེ་སློང་མ་དེ་ལ་ལྷག་མ་ཡོད་ན་དེ་ལ་ཕྱིར་སྦྱིན་པར་བྱ་ཞིང་བཏང་ན་སྤང་བའི་ལྟུང་བྱེད་དོ། །ཡང་དགེ་སློང་མ་གང་དགེ་འདུན་ལ་བསྔོས་པའི་རྙེད་པ་ཤེས་བཞིན་དུ་གང་ཟག་ལ་སྒྱུར་དུ་འཇུག་ན་སྤང
17b3 པའི་ལྟུང་བྱེད་དོ། །བཅོམ་ལྡན་འདས་ཀྱིས་དགེ་སློང་མ་ན་བ་རྣམས་ལ་ཕན་པ་སོ་སོར་བསྟན་པར་བྱ་བའི་སྨན་གང་དག་བཀའ་སྩལ་པ་འདི་ལྟ་སྟེ། ཞུན་མར་དང་། འབྲུ་མར་དང་། བུ་རམ་དང་། སྦྲང་རྩི་དང་།
17b4 བུ་རམ་གྱི་དབུ་བ་དེ་དག་ལས་དགེ་སློང་མ་ན་བས་འདོད་ན། རང་གིས་ཞག་བདུན་གྱི་བར་བྱིན་གྱིས་བརླབས་ཏེ་གསོག་འཇོག་གིས་ཡོངས་སུ་སྤྱད་པས་ཡོངས་སུ་ལོངས་སྤྱོད་པར་བྱའོ། །དེ་ལས་འདས་པར
17b5 ཡོངས་སུ་ལོངས་སྤྱོད་པར་བྱེད་ན་སྤང་བའི་ལྟུང་བྱེད་དོ། །དགེ་སློང་མས་ལྷུང་བཟེད་ལྷག་པ་ཞག་གཅིག་གི་བར་དུ་བཅང་བར་བྱའོ། །དེ་ལས་འདས་པར་འཆང་ན་སྤང་བའི་ལྟུང་བྱེད་དོ། །ཡང་དགེ་སློང་མ་གང
17b6 ཆོས་གོས་བྱིན་གྱིས་བརླབ་ཏུ་རུང་བ་ཉི་མ་དང་པོ་ལའམ། ཟླ་པའི་ཕྱེད་ཕྱེད་ཅིང་བྱིན་གྱིས་མི་རློབ་ན་སྤང་བའི་ལྟུང་བྱེད་དོ། །སྡོམ་ལ་འབྱིན་དང་མི་འབྱིན་སློང་བ་དང་། །གོས་དང་གོས་རྒྱུ་མལ་ཆ་རྒྱུ། །
17b7 དབྱར་ཁང་རྒྱུ་དང་སྐྱེ་བོ་དང་། །དགེ་འདུན་བཅིངས་དཀྲོལ་ལྕི་ཡང་ངོ་། །ཡང་དགེ་སློང་མ་གང་དུས་མ་ཡིན་པར་སྲ་བརྐྱང་འབྱིན་ན་སྤང་བའི་ལྟུང་བྱེད་དོ། །ཡང་དགེ་སློང་མ་གང་དུས་སུ་སྲ་བརྐྱང་མི་འབྱིན
iiif viewer powered by OpenSeadragon
