| e-texts navigator |
| Wylie |
229b1 ཚོན་ལེགས་པར་འཛིན་པར་འགྱུར་བ་དེ་བཞིན་དུ་ལག་བརྒྱུད་འབྲོག་གནས་ཀྱིས་ཀྱང་སྟན་དེ་ཉིད་ལ་འདུག་བཞིན་དུ་འཕགས་པའི་བདེན་པ་བཞི་པོ་འདི་ལྟ་སྟེ། སྡུག་བསྔལ་དང་། ཀུན་འབྱུང་བ་དང་། འགོག་པ་དང་། ལམ
229b2 མངོན་པར་རྟོགས་པར་གྱུར་ཏོ། །དེ་ནས་ལག་བརྒྱུད་འབྲོག་གནས་ཆོས་མཐོང་བ་དང་། ཆོས་ཐོས་པ་དང་། ཆོས་རིག་པ་དང་། ཆོས་ཀྱི་གཏིང་སླེབ་པ་དང་། སོ་མ་ཉི་ལས་བརྒལ་བ་དང་། ཐེ་ཙོམ་ལས་བརྒལ་བ་དང་། སྟོན་པའི་བསྟན
229b3 པ་ལ་གཞན་གྱི་དྲིང་མི་འཇོག་པ་དང་། གཞན་གྱིས་མི་བཀྲི་ཞིང་ཆོས་རྣམས་ལ་མི་འཇིགས་པ་ཐོབ་ནས་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་བྱས་ནས་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ
229b4 བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། བདག་ནི། མངོན་པར་ཞུགས་པ་ལགས་སོ། །བཙུན་པ། བདག་ནི། མངོན་པར་ཞུགས་པ་ལགས་ཏེ། བཙུན་པ། བདག་བཅོམ་ལྡན་འདས་དང་། ཆོས་དང་དགེ་སློང་གི་དགེ་འདུན
229b5 ལ་སྐྱབས་སུ་མཆི་ཡི། །བདག་དགེ་བསྙེན་དུ་གཟུང་དུ་གསོལ། །དེང་སླན་ཆད་ཇི་སྲིད་འཚོའི་བར་དུ་གློ་བ་ཐག་པ་ནས་མངོན་པར་དད་པས་སྐྱབས་སུ་མཆིའོ། །དེ་ནས་ལག་བརྒྱུད་འབྲོག་གནས་ཀྱིས། བཅོམ་ལྡན་འདས་ཀྱི་སྤྱན
229b6 སྔ་ནས་སྐྱབས་སུ་འགྲོ་བ་དང་། བསླབ་པའི་གཞི་དག་བླངས་ནས་ཕྱིར་མི་འོང་བའི་འབྲས་བུ་ཐོབ་སྟེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། བདག་དེང་ཁོ་ན་སྔོ་བསངས་ཅན་གྱིས་བཙལ་ཅིང་། བདག་གིས་དེང
229b7 ཁོ་ན་ཕྱིར་མི་འོང་བའི་འབྲས་བུ་མངོན་སུམ་དུ་བགྱིས་ན། འདི་ལ་ཇི་ལྟར་བསྒྲུབ་པར་གྱི། བཅོམ་ལྡན་འདས་ཀྱིས་བཀའ་སྩལ་པ། ལག་བརྒྱུད་སོང་ཞིག་།ཁྱོད་ཀྱི་བསླབ་པ་ནི། འདི་ཡིན་ནོ། །སྡོ་བསངས་ཅན་ཡང་ཇི་ལྟར
iiif viewer powered by OpenSeadragon
