| e-texts navigator |
| Wylie |
133a1 མི་ནུས་ཀྱི། ཁོ་བོ་རབ་ཏུ་འབྱུང་དུ་འགྲོའོ། །ཆུང་མས་སྨྲས་པ། རྗེའི་སྲས་བདག་ཀྱང་རབ་ཏུ་འབྱུང་ངོ་། །དེ་ལྟར་གྱིས་ཤིག་ཅེས་དེས་ཆུང་མ་སྐྱེ་དགུའི་བདག་མོ་ཆེན་མོ
133a2 གོའུ་ཏ་མིའི་གན་དུ་ཁྲིད་དེ་སྨྲས་པ། འཕགས་མ་བདག་གི་མཆིས་བྲང་འདི་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་བར་འཚལ་ན་འཕགས་མས་འདི་རབ་ཏུ་དབྱུང་དུ་གསོལ།
133a3 རྫོགས་པར་བསྙེན་པར་མཛད་དུ་གསོལ། སྐྱེ་དགུའི་བདག་མོ་ཆེན་མོ་གོའུ་ཏ་མིས་དེ་རབ་ཏུ་ཕྱུང་ཞིང་རྫོགས་པར་བསྙེན་པར་བྱས་སོ། །དེས་ཚོང་དཔོན་ལ་སྨྲས་པ། རྗེའི་སྲས་བུད་མེད་ཀྱི་ཡུལ་ནི།
133a4 སྲེད་པ་སྤྱད་པ་ལགས་ཀྱི། དུས་དང་དུས་སུ་སྤྱོན་ཅིག་།ཚོང་དཔོན་དེ་ཡང་རྒྱལ་བྱེད་ཀྱི་ཚལ་དུ་སོང་སྟེ། དགེ་སློང་གི་གན་དུ་རབ་ཏུ་བྱུང་ངོ་། །མཉན་ཡོད་པའི་ཚོང་དཔོན་རབ་ཏུ་བྱུང་ངོ་ཞེས་དེ་གྲགས
133a5 ཤིང་བསོད་ནམས་ཆེ་བས་དེས་དེའི་ཆོས་གོས་དང་བསོད་སྙོམས་དང་གནས་མལ་དང་ན་བའི་རྐྱེན་དང་སྨན་གྱི་ཡོ་བྱད་དག་གྲུབ་བོ། །དུས་གཞན་ཞིག་ན་སྣམ་སྦྱར་དམར་སེར་གྱོན་ཏེ། དགེ་སློང་མ་དེའི
133a6 དབྱར་ཁང་དུ་སོང་བ་དང་། དགེ་སློང་མ་དེས་དེའི་རྐང་པ་གཉིས་ལ་མགོ་བོས་ཕྱག་འཚལ་ཏེ། མདུན་དུ་འདུག་ནས་དེ་དེའི་སྣམ་སྦྱར་དེ་ལ་ཡང་ཡང་དུ་རྟོགས་ནས། དགེ་སློང་དེས་སྨྲས་པ། སྲིང
133a7 མོ་སྣམ་སྦྱར་འདི་འདོད་དམ། དེས་སྨྲས་པ། ལྷའི་གནས་ཀྱི་ལྷག་མ་བཞིན་དུའོ། །དེས་བསམས་པ། བདག་གིས་འདི་ལ་རྣམ་སྦྱར་འདི་སྦྱིན་པར་བྱ་ཞིང་བདག་གིས་སྣམ་སྦྱར་གཞན་བཙེམ་པར་བྱའོ།
iiif viewer powered by OpenSeadragon
