| e-texts navigator |
| Wylie |
41b1 ལེའུ་སྟེ་ཉི་ཤུ་བཞི་པའོ།། །། དེ་ནས་བཞན་ཡང་བཤད་བྱ་བ།། གསང་བ་མངོན་པར་འབྱུང་བའི་གནས་ན།། དྲང་སྲོང་ཐུབ་པས་ཡང་དག་བཤད།། ངེས་པར
41b2 གསང་བ་འཛིན་གྱུར་པ།། རྒྱལ་བ་ཡོན་ཏན་འབྱུང་བའི་གཏེར།། ཡེ་ཤེས་མགོན་པོ་ཆེན་པོ་དང་།། ལས་ཀྱིས་མགོན་པོ་དུ་མར་བཅས།། དཔལ་ལྡན་ལྷ་མོ་ནག་མེ་ནི།།
41b3 འཁོར་བཅས་དཀྱིལ་འཁོར་བསྟན་པའོ།། སྐལ་ལྡན་ལམ་འདི་འཛིན་པ་གང་།། ང་ཡིས་ལུང་བསྟན་གྱུར་པ་ཡིན།། གདུག་པ་རྣམས་ནི་བཟུང་བའི་ཕྱིར།། མཁས
41b4 པས་སྙིང་རྗེ་བསྐྱེད་ནས་ནི།། ཆོ་ག་ཀུན་མཆོག་གིས་རབ་བསྒྲུབ།། བདག་ཉིད་ཇི་བཞིན་སེམས་ཅན་དེ།། དེ་བཞིན་བདག་དེ་དམ་པའི་བདག། དཔལ་ཧེ་རུ་ཀའི་གོ་འཕངས
41b5 གནས།། འདི་ལ་ཐེ་ཚོམ་མི་བྱ་སྟེ། སུན་འབྱིན་པས་ནི་འགྲུབ་མི་འགྱུར།། རྣམ་དག་རྣམ་པ་ཅན་སེམས་ཀྱིས།། རང་བཞིན་གྱིས་ནི་མྱ་ངན་འདས།། མ་རུངས་པ་ནི་གང་དག་གིས།།
41b6 སྐྱེ་བོ་བཅིངས་པར་གྱུར་པ་གང་།། དེ་ཉིད་ཐབས་དང་བཅས་པ་ཡིས།། སྲིད་པའི་བཅིང་ལས་གྲོལ་བར་འགྱུར།། དེ་ལྟར་བསྒྲུབ་པའི་ལམ་རྟེན་ཅིང་།། ཐུན་མོང་ཁྱད་པར
41b7 འགྱུར།། དུས་བཞི་དག་ཏུ་གཏོར་མ་དབུལ།། བགེགས་མེད་བསོད་ནམས་འཕེལ་བྱེད་པའོ།། འདིར་འཇིག་རྟེན་དང་འཇིག་རྟེན་ལས་འདས་པའི་དཔལ།། ཡེ་ཤེས་ཀྱི་མགོ
41b8 པོ་ལྕམ་འཁོར་དང་བཅས་པ་རྣམས་ལ།། གཏོར་མ་དབུལ་བར་བྱ་སྟེ།། ཤ་ཆེན་པོ་དང་བཅས་པའི་གཏོར་མ་བཤམས་ལ།། ཨོཾ་བྷ་ལངི་མ་ཎི་རཾ་ཧཱུཾ་ཛ།། རཀྐི་ནི་རཀྵི་རཀྵི་མི།
iiif viewer powered by OpenSeadragon
