| e-texts navigator |
| Wylie |
2b1 དེ་ནས་པདྨར་བདག་སྒོམ་ལ།། ཐུགས་ཁའི་ཧྲི་ལས་འོད་འཕྲོས་པས།། བླ་མ་སངས་རྒྱས་ལས་སོགས་པ།། རང་གི་མདུན་དུ་བསམ་བྱས་ལ།། པཱུ་ཙརྣ་བ་ལྔ་དབུལ་བར་བྱ།།
2b2 རྣམ་དག་བདུན་གྱི་འོག་ཏུ་ནི།། ཚད་མེད་བཞི་པོ་སྒོམ་པར་བྱ།། དེར་རྗེས་པ་མ་དང་རམ་ལས་ནི།། པད་སྟེང་ཡི་གེ་ཧཱུཾ་ལས་སུ།། ནག་པོ་ཞལ་གཅིག་ཕྱག་དྲུག་པ།། གྲི་གུག་བགྲང་ཕྲེང
2b3 ཌ་མ་དུ།། ཐོད་བ་བདུད་དང་ཞགས་པ་བསྣམས།། གཡས་གཡོན་རིམ་པར་བསྡམ་པའོ།། སྦྲུལ་དང་རན་ནའི་རྒྱན་གྱིས་བརྒྱན།། སྐུ་སྤད་པ་ཏི་ཁྲ་བོ་ལ།། སྟག་ལྤབས་ཀྱི་ནི
2b4 ཤམ་ཐབས་ཅན།། གཏུམ་པོ་སྤྱན་གསུམ་མཆེ་བ་བརྩིགས།། སྦལ་བར་དྲིའི་ཐི་གེས་བརྒྱན།། སྤྱི་གཙུག་མི་སྐྱོད་སྤྲུལ་སྐུས་བརྒྱན།། དེ་ལྟར་བདག་མདུན་གསལ་སྒོམ་ནས།།
2b5 སྤྱན་དྲངས་མཆོད་དང་བཟླས་པ་བྱ།། གཏོར་མ་པུ་ཙ་ལས་སོགས་པ།། ནག་པོ་ཆེ་ལ་སྦྱིན་པར་བྱ།། མགོན་པའི་ཐུགས་ཁིའི་ཧཱུཾ་ལས་ནི།། སྲོག་གི་ཡི་གེ་གཡས་ནས་བསྐོར།།
2b6 འཁོར་ཡུག་དག་ནི་བཟླས་པ་བྱ། ཨོཾ་བཛྲ་མ་ཧཱ་ཀ་ལ། ཀྵོ་ཀྵེ་ཊ་བྷ་ག་ནན།། བི་ན་ཡ་ཏྲ་ཧཱུཾ་ཧཱུཾ་ཕཊ།། དེ་སྐད་ཅེས་ནི་རབ་བརྗོད་པས།། ནག་པོ་སྒྲུབ་པས་རྟགས་རྣམས་འབྱུང་།།
2b7 དཔལ་ནག་པོ་ཆེན་པོའི་རྒྱུད་ལས།། བསྙེན་ཅིང་སྒྲུབ་པའི་ལས་ལེའུ་སྟེ་གཉིས་པའོ།། །། དེ་ནས་ཡང་དག་བཤད་བྱ་བ།། སངས་རྒྱས་བསྟན་པ་བཤིག་པ་དང་།། རྣལ་འབྱོར
2b8 བར་ཆད་བྱེད་པ་རྣམས།། ནག་པོ་ཆེན་པོས་སྒྲོལ་འདོད་པ།། སྟེགས་བུ་གྲུ་བཞི་བྱས་ནས་ཀྱང་།། དྲག་པོ་ཨེའི་ནང་དུ་ནི།། ཕོ་མོ་རབ་ཆད་ཐོད་པའི་ནང་།། གཟུགས་ནི་སྤྲ་ཚིལ
iiif viewer powered by OpenSeadragon
