| e-texts navigator |
| Wylie |
163a1 འགྱུར་རོ།། ཁ་ཟས་དེ་དག་ཡི་དགས་ཀྱིས་ཡིད་བཞིན་དུ་ཟ་བ་དང་། ཆོ་ག་འདྲངས་པ་དང་། ཡི་དགས་ཀྱི་ཁམས་སྤོང་བ་དང་།
163a2 མཐོ་རིས་ཀྱི་ལྷར་སྐྱེས་པར་འགྱུར་རོ།། དགའ་བོ་གལ་ཏེ་དགེ་སློང་པ་འམ། དགེ་སློང་མ་འམ། དགེ་སྙེན་མ་གང་ཞིག་རྟག་ཏུ་གཟུངས་འདིས་ཁ་ཟས་ལ་སྡུག
163a3 ཏེ། ཡི་དག་ས་ལ་སྦྱིན་པ་བྱིན་ན་བསོད་ནམས་ཚད་མེད་པ་སྙེད་ཡོངས་སུ་རྫོགས་པར་འགྱུར་ཞིང་། དེ་ནས་སངས་རྒྱས་བྱེ་བ་ཁྲག་ཁྲིག་བརྒྱ་སྟོང་སྙེད་ལ་མཆོད
163a4 པར་བྱས་པའི་བསོད་ནམས་དང་ཁྱད་པར་མེད་དེ། ཚེ་རིང་བ་དང་། བསོད་ནམས་དང་། མདངས་དང་། སྟོབས་སྐྱེ་ཞིང་འཕེལ་བ་དང་། དགེ་བའི་རྩ་བ
163a5 ཡོངས་སུ་རྫོགས་པ་དང་། མི་མ་ཡིན་པ་དང་། གནོད་སྦྱིན་དང་། སྲིན་པོ་དང་། ཡི་དགས་མ་རུངས་པ་ཐམས་ཅད་གཙེ་ཞིང་གནོད་པར་བྱེད་མི་ནུས་པ་དང་།
163a6 གཞན་ལ་གཟི་བརྗིད་ཚད་མེད་པ་དང་ལྡན་པར་འགྱུར་རོ།། གལ་ཏེ་གང་ཞིག་བྲམ་ཟེ་དང་། དྲང་སྲོང་ལ་སྦྱིན་པ་བྱེད་འདོད་ན་ཁ་ཟས་ཡོངས་སུ་དག་པ་སྣོད་གཅིག
iiif viewer powered by OpenSeadragon
