| e-texts navigator |
| Wylie |
27a1 བ་དང་། ཀླག་པ་དང་། ཁ་ཏོན་དང་། ཀུན་ནུབ་པ་དང་། ཚུལ་བཞིན་དུ་ཡིད་ལ་བྱེད་པ་དང་། གཞན་དག་ལ་ཡང་རྒྱ་ཆེར་བསྟན་པར
27a2 བྱའོ་ཞེས་བཀའ་སྩལ་པ་དང་།། ཐམས་ཅད་དང་ལྡན་པའི་འཁོར་རྣམས། ཡི་རངས་ཏེ་མངོན་པར་བསྟོད་དོ།། རྗེ་བཙུན་མ་སྒྲོལ་མའི་འཇིགས་བརྒྱད་སྐྱོབ་པའི་མདོ།།
27a3 རྫོགས་སྷོ།། །། དགེའོ།། སརྦ་མངྒ་ལེ།། །། རྒྱ་གར་སྐད་དུ། མ་ཧཱ་སང་སྲ་པྲ་མ་རྡ་ན་སུཏྲ། བོད་སྐད་དུ། སྟོང་ཆེན་མོ་རབ་ཏུ་འཇོམས་པ་ཞེས་བྱའི་མདོ།
27a4 སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན།། བཅོམ་ལྡན་འདས་རྒྱལ་པོའི་ཁབ་ན།། བྱ་རྒོད
27a5 ཕུང་པོའི་རི་ལྷོ་ཕྱོགས་ཀྱི་ངོས།། སངས་རྒྱས་ཀྱི་སྤྱོད་ཡུལ་ཤིང་ལྗོན་པ་རིབ་ཏུ་སྣང་བའི་ནགས་ཚོགས་ན། དགེ་སློང་གི་དགེ་འདུན་ཆེན་པོ་སྟོང་ཉིས་བརྒྱ་ལྔ་བཅུ་ལ་འདི་ལྟ་སྟེ།
27a6 ཚེ་དང་ལྡན་པ་ཤ་རིའི་བུ་དང་། ཚེ་དང་ལྡན་པ་མེའུ་འགལ་གྱི་བུ་ཆེན་པོ་དང་། ཚེ་དང་ལྡན་པ་འོད་སྲུངས་ཆེན་པོ་དང་། ཚེ་དང་ལྡན་པ་ཀ་ཡ་འོད་སྲུངས་དང་། ཚེ་དང་ལྡན
27a7 པ་ཆུ་ཀླུང་འོད་སྲུངས་དང་། ཚེ་དང་ལྡན་པ་ཅང་ཤེས་ཀོའུ་དི་ནྱ་དང་། ཚེ་དང་ལྡན་པ་དགའ་བྱེད་དང་། ཚེ་དང་ལྡན་པ་ཀ་ཏྱའི་བུ་ཆེན་པོ་དང་། ཚེ་དང་ལྡན་པ་བཀུལ་དང་།
27a8 ཚེ་དང་ལྡན་པ་རླངས་པ་དང་། ཚེ་དང་ལྡན་པ་གསུས་པོ་ཆེ་དང་། ཚེ་དང་ལྡན་པ་ངག་དབང་དང་། ཚེ་དང་ལྡན་པ་རྟག་ཐུལ་དང་། ཚེ་དང་ལྡན་པ་རབ་འབྱོར་དང་། ཚེ་དང
iiif viewer powered by OpenSeadragon
