| e-texts navigator |
| Wylie |
25b1 བུ་ལ།། སོ་ནས་བྱས་ཀྱང་མྱུ་གུ་མི་སྐྱེ་ལྟར།། སྡོམ་ཉམས་ཐེ་ཚོམ་ཟོས་པའི་གང་ཟག་གིས།། ཤིན་དུ་ཟབ་པའི་རིག་སྔགས་བསྒྲུབས་གྱུར་ཀྱང་།། བྱིན་རླབས་འབྱུང་ངོ་སྙམ
25b2 ཡང་འབྱུང་མི་སྲིད།། བརྩོལ་བ་དེ་དག་ངལ་བ་དོན་མེད་འགྱུར།། རིག་སྔགས་དེ་ཡང་སྐྱེ་བོའི་ཚིག་དང་མཚུངས།། ཏིང་འཛིན་རྣམས་ཀྱང་བྱིས་པའི་བསམ་པ་འདྲ།། སྐྱོན
25b3 མེད་སྐྱེས་བུས་རིག་སྔགས་དེ་བསྒྲུབས་ནི།། ཇི་ལྟར་འདོད་པ་བཞིན་དུ་མྱུར་དུ་འགྲུབ།། དཔེར་ན་བྱ་གྲོ་དྷ་ཡི་ས་བོན་ནི།། ཤིན་དུ་ཕྲ་ཡང་ཆུ་ལུང་ལེགས་བྲན་ན།། དགུང
25b4 ཟླ་བ་བདུན་ན་དཔག་ཚད་ཅི་དུ་སྐྱེ།། བེམས་པོ་ཕྱིའི་འགྱུར་ཡང་དེ་འདྲི་ནི།། རོག་པས་རིག་པ་བསྒྲུབ་པ་ལྟ་ཅི་སྨོས།། འོད་གསལ་ནང་གི་འགྱུར་ལ་དཔག་ཏུ་མེད།། ཚེང
25b5 དཔོན་ལམ་ལ་མཁས་པ་དག་ལ་བརྟེན།། གྲུ་ཆགས་ལེགས་པར་རྒྱ་མཚོར་ཞུགས་གྱུར་ན། རིན་ཆེན་འདོད་པ་བཞིན་དུ་རྙེད་གྱུར་ནས།། རང་གི་གནས་སུ་ལེགས་པར
25b6 ཕྱིན་པ་ཡིན།། བྱམས་དང་སྙིང་རྗེ་དགའ་དང་བཏང་སྙོམས་བསྟེན།། བྱང་ཆུབ་སེམས་ལྡན་དགེ་བ་སྤྱད་གྱུར་ན།། ཡང་དག་རྫོགས་ཀྱི་ལམ་ལ་བཞུགས་གྱུར་ཏེ།།
25b7 ངེས་པར་མཁྱེན་ཉིད་ས་ལ་འགྲོ་བར་འགྱུར་རོ།། མདའ་ཉིད་སྐྱེས་བུའི་འཐེབ་ནས་ཤོར་གྱུར་ན།། མི་འཕང་སྙམ་ཡང་ཤིན་དུ་འཕངས་པར་འགྱུར།། ཆོས་ཉིད་དོན་ཀུན་ཆུབ
25b8 པའི་གང་ཟག་ནི།། མི་བྱིན་སྙམ་ཡང་ཕ་རོལ་ཕྱིན་པར་འགྱུར།། བྱ་ཆའི་རྣམ་པ་རང་བཞིན་རྫོགས་གྱུར་ནས།། སངས་རྒྱས་འབྲས་བུ་ཐོབ་པར་ཐེ་ཚོམ་མེད།། ཆོས་ཉིད
iiif viewer powered by OpenSeadragon
