| e-texts navigator |
| Wylie |
248b1 མེ་ཏོག་པད་མ་བཅས་པ་ཡི།། ཁ་དོག་དམར་དང་ལྡན་པ་ཡིས།། འོད་ཟེར་དམར་ལྡན་སྟོང་ཕྲག་གིས།། ངེས་པར་འགུག་དང་དབང་དུ་འགྱུར།། ཏིལ་བཅས་མར་གྱི་སྦྱིན་བསྲེག་ནི།།
248b2 སྟོང་ཕྲག་བྱས་ན་སྡིག་པ་བྱང་།། མར་དང་དུར་བ་ཙན་དན་བཅས།། སྦྱིན་བསྲེག་སྟོང་གིས་ཚེ་འཕེལ་འགྱུར།། ཀུ་ཤ་བྱང་ཆུབ་ཤིང་འབྲས་བུ།། ཡུངས་དཀར་དཀར་པོ་ལན་ཚྭ་ཡི།།
248b3 སྟོང་སྲེགས་འགོ་བའི་ནད་རྣམས་འཆད།། ཡུངས་དཀར་ཤ་ཆེན་ཕྱེ་མ་དང་།། དུར་ཁྲོད་ཐལ་བ་དག་སྣ་ཚོགས།། ཁྲོ་ཆུ་མའི་སྦྱིན་བསྲེག་སྟོང་།། ཁྲོས་པས་བྱས་ན་ལྷ་ཚོགས་འཇིག། ཨུད
248b4 པལ་དམར་དང་ཡང་ན་དཀར།། གུར་གུམ་བཟང་པོའི་སྦྱིན་བསྲེག་གིས།། སྟོང་རྩ་བརྒྱད་ཙམ་བསྲེགས་བྱས་པས།། རིགས་ལྡན་བུ་མོ་དབང་དུ་འགྱུར།། ཨ་རུ་ར་དང་ཡུངས་ཀར་དང་།
248b5 བ་ཡི་འོ་མ་སྟོང་བསྲེགས་ན།། རྣམ་ཐོས་རྒྱལ་པོའི་གཏེར་ཙམ་གྱིས།། ལོངས་སྤྱོད་ཆེན་པོ་འཐོབ་པར་བྱེད།། ཨོཾ་རཀྵ་རཀྵ་ཀུ་རུ་ཨོཾ།། བསྲུང་བའི་སྔགསོ།། ཨོཾ་ཤན་ཏི་ཀུ་རུ་ཨོཾ།།
248b6 ཐམས་ཅད་ཞི་བའི་སྔགསོ།། ཧ་ཝ་ཤཾ་ཀུ་རུ་སྭཱ་ཧཱ། མཐའ་དག་དབང་དུ་བྱ་བའོ།། ས་པུས་ཏི་ཀུ་རུ་སྭཱ་ཧཱ། ཐམས་ཅད་དུ་རྒྱས་པར་བྱེད་པའི་སྔགསོ།། ཕཊ་ཧཱུཾ་མཱ་ར་ཡ་མཱ་ར་ཡ་ཧཱུཾ་ཕཊ།
248b7 གསོད་པའི་སྔག་སོ།། བཾ་བི་དེ་ཤ་ཡ་བཾ།། དབྱེ་བར་བྱེད་པའི་སྔགསོ།། ཨུ་ཨུ་ཙེ་ད་ཡ་ཨུཾ། བསྐྲད་པར་བྱེད་པའི་སྔག་སོ།། ལཾ་སྟཾ་བ་ཡ་སྟཾ་བ་ཡ་ལཱཾ། རེངས་པར་བྱེད་པའི་སྔགསོ།།
248b8 རཾ་ཛ་ར་ཛ་ར་རཾ། རིམས་བསྐྱེད་པའི་སྔགས་སོ།། ཛ་ཨཱ་ཀར་ཥ་ཡ་ཧྲི་ཛ། དགུག་པའི་སྔག་སོ།། ཨོཾ་པ་རི་ཤ་པ་ཏ་ཡ་པ་ཏ་ཡ་ཨོཾ།། ཆར་པ་དབབ་པའི་སྔགསོ།། ལཾ་ཤ་ལཾ་བྷི་སྟེ་བྷ་ཡ་ལཾ།
iiif viewer powered by OpenSeadragon
