| e-texts navigator |
| Wylie |
246a1 ཕྱག་རྒྱ་ཏིང་འཛིན་དང་།། སྦྱོར་བ་རྒྱ་ཆེན་རྣམས་བཤད་དོ།། དྲག་པོ་བསྒྲུབ་པའི་ཐབས་འགའ་ནི།། རིག་པའི་ཁྲོ་མོས་མཉན་པར
246a2 གྱིས།། ས་གཞི་བདུད་རྩི་ལྔ་ཡིས་བྱུགས།། མེ་ཡི་དཀྱིལ་འཁོར་ས་བོན་བཅས།། དུར་ཁྲོད་ཕ་གུས་བྲི་བར་བྱ།། དེར་ནི་ཕོ་མོ་ཐོད་པ་ལ།། ཕྱི་རོལ་དམར་ནག་མཚོན་གྱིས
246a3 བྱུགས།། ནང་དུ་སྣ་ཚོགས་རྡོ་རྗེ་ནི།། མུ་ཁྱུད་གསུམ་ལྡན་བྲི་བར་བྱ།། དབུས་སུ་རྡོ་རྗེ་མཁའ་འགྲོ་མའི།། སྙིང་པོ་སྔགས་བཅས་བྲི་བར་བྱ།། རྡོ་རྗེའི་རྭ་ནི་ཐམས་ཅད་ལ།
246a4 ཧཱུ~ཾ་བྲི་མུ་ཁྱུད་གཉིས་ཕྲེང་སྔགས།། གསུམ་པར་ཁྲོ་བོའི་སྔགས་བྲིའོ།། ཐོད་པ་ཁ་སྦྱོར་ནང་དུ་ནི།། སྐེ་ཚེ་ཡུངས་ཀར་བཙན་དུག་དང་།། ལན་ཚྭ་ཁྲག་དང་ཤ་ཆེན་དང་། རྐང་རྗེས
246a5 ས་ལ་སོགས་པ་བླུགས།། གཅེར་བུ་རྣལ་འབྱོར་སྐྲ་བཤིག་ནས།། ལྷ་ཡི་སྦྱོར་ལྡན་ལྷོར་བལྟས་ན།། ཞབས་ཀྱི་ཐོད་པའི་འཁོར་ལོ་ནི།། མནན་ཏེ་སྔགས་ཕྲེང་བརྗོད་པར་བྱ།།
246a6 ཁྲོ་བོའི་ཆེན་པོའི་སྦྱོར་བ་ཡིས།། མཉམ་བཞག་ནས་ནི་སྟོང་ཕྲག་དགུ།། བཟླས་ལ་མཚན་ཕྱེད་པར་བྱས་ན།། བསད་པ་ཉིད་ལ་ཐེ་ཚོམ་མེད།། དུར་ཁྲོད་རས་ལ་འཁོར་ལོ་ནི།
246a7 དབུས་སྲ་མེ་ཡི་དཀྱིལ་འཁོར་ཅན།། རྩིབས་བརྒྱད་མུ་ཁྱུད་གསུམ་ལྡན་པ།། དབུས་སུ་སྙིང་པོའི་སྔགས་རྣམས་ལ།། ཧཱུཾ་གཉིས་བར་དུ་བསྒྲུབ་བྱའི་མིང་།། བསད་པ་ཉིད་དང
246a8 ལྡན་པར་བྱ།། མུ་ཁྱུད་གཉིས་པའི་ཕྲེང་སྔགས་ཀྱང་།། མིང་ཡང་བསད་པར་ལྡན་པའོ།། གསུམ་པ་ཁྲོ་བོའི་སྔགས་བྲིས་ཏེ།། འཁོར་ལོ་མཆོད་ཅིང་བྱིན་བརླབས་ནས།། དགྲ
iiif viewer powered by OpenSeadragon
