| e-texts navigator |
| Wylie |
244a1 ཕྱོགས་བཅུ་ཀུན་དུ་བཅིང་བ་ཡི།། རྡོ་རྗེ་ལ་སོགས་བཅུ་པོ་བྲི།། དེ་ཡི་རྒྱབ་ཏུ་ཕྱོགས་བཅུ་རྣམས།། བཅིང་བའི་སྔགས་ནི་རིམ་བཞིན།
244a2 བྲི། ཀའཁོར་ལོའི་རྩིབས་རྣམས་བཅུ་པོ་ལ།། ཧཱུཾ་གཉིས་བར་དུ་བསྒྲུབ་བྱའི་མིང་།། བསྲུང་བ་དང་བཅས་བྲི་བར་བྱ།། ཕྱོགས་བཞིར་སྔགས་དང་ཕྱག་རྒྱ་དང་།། འཁྲུལ་འཁོར་གཙད
244a3 དང་འཆིང་བ་དང་།། འགུགས་པའི་སྔགས་བཅས་པ་བྲི།། གཞན་ཡང་འཚམས་རྣམས་དྲུག་པོར་ནི།། ལྷ་དང་ཀླུ་དང་ལྷ་མིན་གྱི།། གནོད་སྦྱིན་གྲུལ་བུམ་ལ་སོགས་པ།། བཅིང
244a4 བ་དྲུག་པོ་བྲི་བར་བྱ།། ལྟེ་བར་བསྒྲུབ་བྱའི་གཟུགས་བརྙན་ནི།། དཀྱིལ་དཀྲུངས་ཐུགས་ཁར་ཐལ་མོ་སྦྱར།། མཛེས་པའི་གོས་ལྡན་བྲི་བར་བྱ།། དེ་རྗེས་གསང་སྔགས་ཕྲེང་བ་ཉིད།
244a5 སྟོང་ཕྲག་གཅིག་ཏུ་བརྗོད་བྱས་ནས།། དེ་རྗེས་བསྟོད་པས་བསྟོད་བྱས་ཏེ།། གསེར་སོགས་བྲིས་ནས་ལུས་སམ་འགུལ།། གང་བདེའི་གནས་སུ་གདགས་པར་བྱ།། དེས་ནི་རྣལ་འབྱོར།
244a6 བསྲུང་དོན་དུ།། ཇི་ལྟར་བསམས་པ་ཀུན་འགྲུབ་སྟེ།། འཇིགས་པ་བརྒྱད་པོ་མེད་པར་བྱེད།། དེ་ནས་གཞན་ཡང་རྒྱལ་པོའི་རས།། གསར་པ་ཙན་དན་ག་བུར་དང་།། དྲི་ཞིམ་རྣམས
244a7 ཀྱི་བྱུགས་ནས་ནི།། རྒྱུ་སྐར་རྒྱལ་གྱི་ཉི་མ་ལ། གུར་གུམ་གྱིས་ནི་འཁོར་ལོ་བྲི།། དབུས་སུ་པད་མ་འདབ་བརྒྱད་པའི།། ཕྱི་རོལ་མུ་ཁྱུད་གསུམ་ལྡན་པའི།། པདྨའི་ལྟེ་བར་བསྒྲུབ་བྱ
244a8 གཟུགས།། ཡན་ལག་རྡོ་རྗེས་མཚན་པ་བྲི།། དེ་ལ་སྙིང་པོའི་སྔགས་ཀྱིས་བསྐོར།། དེ་རྗེས་ལྟེ་བའི་མུ་ཁྱུད་ལ།། སྟེང་འོག་བཅིང་བའི་སྔགས་རྣམས་བྲི།། ཕྱོགས་འཚམས
iiif viewer powered by OpenSeadragon
