| e-texts navigator |
| Wylie |
243a1 འཛིན།། གཡོན་གྱི་དང་པོ་བསྡིགས་འཛུབ་སྟེ།། གཉིས་བཟོད་པ་གསུམ་པ་ན།། སྦྲུལ་གྱི་ཞགས་པ་དཀར་པོའོ།།
243a2 ཡང་ན་ཞལ་ཀུན་སྔོ་བསངས་ཉིད།། འདིས་ནི་འཆིང་དང་དབང་གི་ལས།། མཐའ་དག་རྫོགས་པར་བྱེད་པའོ།། སྲིད་པར་བྲམ་ཟེ་ལས་སྐྱེས་ལྷ་མོ་ནི།། སྔོན་མོ་ཞལ་གཅིག་ཕྱག
243a3 གཉིས་མ།། ཕྱག་གཡས་རྡོ་རྗེ་གཡོན་ལྕགས་སྒྲོག། གཅེར་བུ་རུས་པའི་རྒྱན་ལྡན་མ།། གསང་བའི་ལས་རྣམས་ཐམས་ཅད་ནི།། རྡོ་རྗེ་རྣལ་འབྱོར་མ་འདིས་བསྒྲུབ།། དེ་ནས
243a4 བཅོམ་ལྡན་རྡོ་རྗེ་ཅན།། ཆོས་རྣམས་ཐམས་ཅད་འབྱུང་བྱེད་ཅིང་།། དངོས་གྲུབ་མྱུར་དུ་སྐྱེད་པ་ཡི།། ཕྱག་རྒྱ་འབྱུང་ཞེས་བྱ་བ་ཡི།། ཏིང་ངེ་འཛིན་ལ་སྙོམས་ཞུགས་ནས།། ཡན
243a5 ལག་ཕྱག་རྒྱ་བཀའ་སྩལ་པ།། ལག་གཉིས་ཐལ་མོ་སྦྱར་བྱས་ཤིང་།། སླར་ལ་ཁུ་ཚུར་བཅངས་བྱས་ཏེ།། རྒྱབ་གཉིས་སྤྲད་ནས་འཛུབ་མོ་དང་།། མཐེའུ་ཆུང་ལྕགས་སྒྲོག
243a6 བཅིང་བྱས་ཏེ།། ཁ་ཡི་ཐད་ཀར་བཞགས་ནས་ནི།། རིག་པའི་ཕྲེང་བ་བརྗོད་པ་ཡིས།། འདོད་པ་ཐམས་ཅད་བསྒྲུབ་པར་བྱེད།། ཕྱག་རྒྱ་བཅིངས་ནས་གསང་སྔགས་ནི།། རྗེས་དྲན
243a7 པར་བྱས་ཙམ་གྱིས།། ལམ་དུ་འགྲོ་ཡང་བདེ་བར་ཐར།། གཞན་གྱི་རིག་སྔགས་གཅོད་པར་བྱེད།། འཕགས་མ་རྡོ་རྗེ་ལུ་གུ་རྒྱུད་མའི་རྒྱུད་ཀྱི་རིགས་སྔགས་ལས།། ལྷ་དང་ཕྱག་རྒྱ
243a8 གཏན་ལ་དབབ་པའི་ལེའུ་སྟེ་གཉིས་པའོ།། །། དེ་ནས་ཡང་དག་བཤད་བྱ་བ།། རྫས་ཀྱི་སྦྱོར་བ་བླ་ན་མེད།། མཚུངས་པའི་ཚོགས་ཀུན
iiif viewer powered by OpenSeadragon
