| e-texts navigator |
| Wylie |
217a1 ལྡན་འདས་གཟུངས་སྔགས་མཐུ་ཆེན་པོ་འདི་ནི། ཡིད་བཞིན་གྱི་ནོར་བུ་རིན་པོ་ཆེ་ཆེན་པོ་ལྟ་བུར་མཐོང་བ་དང་།
217a2 ཐོས་པར་དཀའ་བ་ལགས་ཏེ། བཅོམ་ལྡན་འདས་བདག་ཅག་ལྷན་ཅིག་ཚོགས་ནས། སླད་མའི་ཚེ་སླད་མའི་དུས་ན། ཡིད་བཞིན་གྱི་ནོར་བུ་རིན་པོ་ཆེ་འདི་བཟུང་བར་བགྱི།།
217a3 རྒྱས་པར་བགྱིའོ།། སེམས་ཅན་ཐམས་ཅད་ལ་བསྒྲགས་པར་བགྱིའོ།། འདི་འཛིན་པའི་སེམས་ཅན་ཆེན་པོ་དེའི་སླད་བཞིན་དུ་འབྲང་ཞིང་རྟག་ཏུ་རྒྱུན་མི་ཆུད་པར་བསྲུང་བ
217a4 དང་། བསྐྱབ་པ་དང་། སྦ་བར་བགྱིའོ།། བུ་བཞིན་དུ་ཡོངསུ་བསྐྱང་བར་བགྱིའོ།། བཅོམ་ལྡན་འདས་ཀྱིས་བཀའ་སྩལ་པ། གྲོགས་པོ་དག་ལེགསོ་ལེག་སོ།། ཁྱོད
217a5 ཀྱིས་དེ་ལྟར་གྱིས་ཤིག། རིག་སྔགས་ཀྱི་རྒྱལ་མོ་ཡིད་བཞིན་གྱི་ནོར་བུ་རིན་པོ་ཆེ་འདི་ངས་ཁྱེད་ལ་གཏད་དོ།། འཕགས་པ་ཀུན་ནས་སྒོར་འཇུག་པའི་འོད་ཟེར་གཙུག་གཏོར་དྲི་མ
217a6 མེད་པར་སྣང་བ་དེ་བཞིན་གཤེགས་པ་ཐམས་ཅད་ཀྱི་སྙིང་པོ།། དམ་ཚིག་ལ་རྣམ་པར་བལྟ་བ་ཞེས་བྱ་བའི་གཟུངས།། ། རྫོགས་སྷོ།། །
217a7 རྒྱ་གར་གྱི་མཁན་པོ་སུ་རེན་དྲ་བོད་དེ་དང་། ཞུ་ཆེན་གྱི་ལོ་ཙཱ་བ་བན་དེ་ཡེ་ཤེས་སྡེས་བསྒྱུར་ཅིང་ཞུས་ཏེ་གཏན་ལ་ཕབ་པའོ།།
217a8 རྒྱ་གར་སྐད་དུ། སརྦ་ཏ་ཐཱ་ག་ཏོ་ཨུཥྞཱི་ཥ་ཤཾ་བི་ཛ་ཡ་ན་མ་དྷ་ར་ནི་ཀལ་བས་ཧི་ཏ། བོད་སྐད་དུ། དེ་བཞིན་གཤེགས།
iiif viewer powered by OpenSeadragon
